Увозникот за BMW во Македонија и Косово, компанијата М Кар со гордост ја претстави новата, четврта генерација на BMW X3, симбол на перформанси, удобност, дизајн и напредна технологија. Свежата, динамична аура на новиот BMW X3 ја истакнува спортската страна, нудејќи премиум корисничко искуство, извонредна агилност и великодушна пространост кои ги надминуваат очекувањата. Благодарение на иновативните технологии, како новиот инфозабавен систем и напредните безбедносни функции, секој момент во новиот BMW X3 е уникатно доживување.
„Со својата спортска привлечност, впечатлив дизајн и напредна технологија, новиот BMW X3 ја презема улогата на талентирано, сеопфатно возило за секојдневна употреба, слободни активности и удобни патувања. Новиот дизајнерски јазик на четвртата генерација на BMW X3 му дава импресивна надворешна појава и динамична грациозност. Висококвалитетните материјали, значително попространата стандардна спецификација, напредната дигитализација и новиот BMW iDrive со QuickSelect, заснован врз BMW Оперативен систем 9, го доловуваат премиум амбиентот во прогресивно дизајнираната кабина. Задоволството при возењето, безбедноста и удобноста на долги растојанија во новиот BMW X3, се должат на исклучително прецизното подесување на целокупната организација на автомобилот и широкиот избор на полуавтоматски системи за возење и паркирање“, изјави Билјана Колемишвска, одговорна за маркетинг комуникации и ПР во компанијата М Кар.
Впечатливиот дизјан на новата едиција, многубројните иновации и неговата надградена стандардна спецификација, претставуваат идеална основа за испишување на уште едно поглавје во успешната приказна на BMW X3. Уште од неговото првично воведување во премиум класата на SAV сегментот со средна големина, овој модел има клучна улога за постојаниот раст на популарноста на BMW X моделите, a беше и најпродаван модел на брендот во 2023 година. Со новиот дизајнерски јазик новиот BMW X3 е 34 милиметри подолг од својот претходник, додека ширината е зголемена за 29 милиметри. Заедно со 25-милиметарското намалување на висината на возилото и поширокит став, автомобилот добива нови пропорции кои му ја нагласуваат динамичноста и спортскиот изглед. Големата BMW бубрежна решетка, со опционалното контурно осветлување BMW Iconic Glow, му дава моќна и самоуверена појава.
Портфолиото на погонски склопови на новиот BMW X3 се состои од ефикасни бензински, дизел мотори и од plug-in hybrid систем од најновата генерација, што на новиот BMW X3 30e xDrive му овозможува комбинирана погонска моќност до 398 КС и максимални способности за динамични перформанси. Новиот BMW X3 е веќе достапен во четири варијанти на моделот почнувајќи од 70.890 евра. Моторите кои се во понудата се X3 20d xDrive, X3 20 бензин xDrive, X3 M50 бензин xDrive и X3 30e xDrive. Електричната верзија на новиот BMW X3 ќе биде првaта едиција на Neue Klasse, која ќе се разликува од постоечките модели, а неговото претставување на пазарот ќе започне во четвртото тромесечје на 2025 година.
Покрај новиот BMW X3, на денешната промоција за првпат пред македонската јавност беше презентиран и ексклузивниот BMW M5 Седан. Новиот BMW M5 Седан ги поместува границите, поставувајќи совршена формула за баланс на шасија, реакција на управувачот и моќ во сооднос со тежината. Неговиот V8 би-турбо засилен со електромотор испорачува 727 КС и ги пренесува на сите тркала. На кратко, тоа е сè што ја прави BMW врвна машина за возење.
ТОП НОВОСТИ
