Некогаш пикап моделите беа купувани со една цел, за работа и за совладување терени надвор од асфалтот. Тие што живееја надвор од градските средини, најчесто купуваа пикап возила затоа што се најпрактични и најупотребливи во секој сегмент од руралниот живот. И денес е така, но пикап возилата се нешто како терање мода во градските средини. Откако дојде ерата на електричните возила, така дел од тие популарни возила ги напуштија ото и дизел моторите. Еден од нив е и „кгм мушо ев“, возило кое наскоро ќе влезе во продажба. Производителот КГ Мобилити е некогашен Санг Јонг кој на времето тесно соработуваше со Дајмлер – правеше теренски возила на основа од Мерцедес – Бенц.
Електричниот пикап „кгм мушо ев“ ја има сета удобност од лимузините од средната класа. 80,6 kWh батерија е позајмена од БЈД и со неа пикапот може да измине најмногу 400 км, а електромоторот располага со 204 КС. Тоа значи на почетокот од продажбата возилото ќе се нуди само со погон на предната оска, а малку подоцна производителот ќе понуди модел со погон на две оски. За обожаватлите на екрани со допир, пикапот има и тоа од најголемите, со дијагонала од 12,3 инчи, а производителот ја нагласува темелно изработената кабина која располага со голема удобност. Продажбата ќе започне во првите недели на пролетта која е веќе на прагот. Зошто електричен „носорог“? Затоа што преведено од корејски на македонски „мушо“ е носорог.
ТОП НОВОСТИ
