Ако по нешто е позната марката Џип тогаш тоа е нивната способност да совладуваат речиси секакви терени. Неодамна беше претставен концептот авенџер, а сега и неговата сериска изведба. Рака на срце концептот не се разликува по ништо од серискиот модел. Овој модел е значаен за семејството по тоа што е најмал досега произведен и е првиот целосно електрифициран. Направен е на основата наречена „е цмп“, истата на која се направени и опел мока и пежо 2008“. „Џип авенџер“ е скоро 4,0 метри долг и на располагање ви се 380 литри товарен простор. Електромоторот има силина од 156 КС и со едно полнење на батеријата возилото изминува солидни (или максимални) 550 км.
Погон на две или на четири тркала? Најнапред на две, за веднаш потоа да стасаат и примероци со погон на сите тркала. Изведбата со погон на сите тркала е повисока од „обичната“ поради зголеменото растојание од тлото до најниската точка од возилото кое изнесува 20 см. Сега се нуди само електричната изведба, но производителот најверојатно подготвува и хибридна со бензински мотор. „Џип авенгер“ е наменет пред сѐ за пазарот од континентов и затоа тука ќе се произведува, односно во Полска, а продажбата ќе започне во првата половина од наредната година.
ТОП НОВОСТИ
