КАДЕ И ДА СЕ ПОЈАВАТ СЕКАДЕ ПРЕДИЗВИКУВААТ ГОЛЕМО ВНИМАНИЕ, А ЗА ТОА ПРИДОНЕСУВААТ НИВНОТО ИМЕ И ЗАДОЛЖИТЕЛНАТА ЦРВНА БОЈА. ГОДИНАВА „ЦРВЕНИЛОТО“ ОД МАЛОТО ГРАТЧЕ МАРАНЕЛО СЛАВИ 75 ГОДИНИ ОД ПОЈАВУВАЊЕТО НА ПРВИОТ МОДЕЛ СО ИМЕ ФЕРАРИ
Во било која смисла да биде спомнато името Ферари веднаш не потсетува на мали брзи црвени купе автомобили со две седишта.
Скоро на сите ни е јасно каква величина е Ферари во светот на автомобилити, најпосакуваната и најпознатата марка на автомобили на планетава која годинава слави 75 години постоење. Ферари се појави во годините по Првата светска војна кога Енцо Ферари влегол во тркачкиот свет. На почетокот како механичар, потоа тест возач и накрај како натпреварувач. Страста кон трките и болидите, но и спортските туристички автомобили го водела низ целиот живот. Во 1929 година го основал својот тркачки тим Скудерија Ферари. Години пред тоа возел за Алфа Ромео, а подоцна ја прифатил понудата да го води тимот.
По некое време Алфа Ромео излегол од трките, но Енцо ја зел неговата тркачка екипа и ја вклучил во својот тим Скудерија Ферари. На предниот дел на болидите, на капакот од моторот го ставил својот заштитен знак, вознемиреното црно коњче во штит со жолта основа, а во горниот дел италијанското знаме. Заштитниот знак има врска со Франческо Барака, син на грофот и грофицата Барака, пилот во Првата светска војна, кој не успеал да се врати од една воена задача. Црното коњче од семејниот грб го нацртал на својот авион. Приказната продолжува со Енцо Ферари кога на една трка во публиката било и семејството Барака. Мајката на загинатиот пилот го замолила Ферари да го стави црното коњче на болидот за да му донесе среќа. Енцо со сета почит кон мајката, го ставил коњчето на болидот и оттогаш тоа вознемирено црно коњче е негов заштитен знак. И навистина му носи среќа, повеќе од седум децении е на врвот од светот.
ФЕРАРИ ВО ФОРМУЛА 1
Првиот автомобил со името Ферари, кој се правел две години, излегол од фабриката во Маранело во 1947 година. На 11 март Енцо го возел првиот автомобил „ферари 125 ц“ во околината на Модена. Потоа учествувал на трките со два примерока од моделот „125 ц“ што ги возеле Франко Кортезе и Нино Фарина. Успесите дошле по неколку извозени трки. Со тие болиди Енцо Ферари станал дел од првата трка и сезона во современата Формула 1. Тоа се случило во 1950 година и оттогаш Ферари учествува во најбрзиот циркус на планетава. Ниеден тим нема стаж во Формула 1 колку Ферари. Првата победа ја освоил Хозе Гонзалез во 1951 година, а во 1952 година Ферари станал шампион во Формула 1. Учествувал во сите првенства на Формула 1, извозел најмногу трки, освоил најмногу бодови и титули, како во класата возачи, така и во класата конструктори. Од Хозе Гонзалез до Кими Раиконен, минале многу славни имиња што оставиле печат во историјата на Ферари и воопшто на автомобилскиот свет. И не само тие, туку секој што работел за Ферари, многу допринел за големите успеси на марката.
Преубавите купе автомобили биле дело на дизајнерската куќа Пининфарина, а идејата таа да ги создава облините на автомобилите Ферари потекнала од Серџо Пининфарина, син на Батиста Пининфарина, основач на компанијата. Соработката меѓу нив траeла до пред околу две децении кога Ферари го отворил своето дизајнерско студио Центро Стиле Ферари. Секој автомобил излезен од фабриката во Маранело е приказна за себе. За најпребирливите купувачи Ферари има посебен оддел наречен „спешл проџект“ каде што се прават уникати, а при изработката директно учествува купувачот. Цената е врвна тајна, никој не знае колку Ферари ги наплатува ваквите услуги кога нарачателот седи на иста маса со дизајнерите и конструкторие и им кажува каков автомобил сака да има со знакот на Ферари.
Црвената боја на Ферари е наследена од Алфа Ромео. Енцо ги зема алфините болиди и на нив го става заштитниот знак на својот тркачки тим Скудерија Ферари. Откако бил направен пр- виот автомобил со името Ферари, го бојосале со црвена боја. Денес Ферари работи самојстојно, но има блиски врски со Фиат, кој некогаш бил сопственик на дури 88 отсто од акциите.
ТОП НОВОСТИ
