Се сеќавате на моделот „пони“, поточно на „хјундаи пони“? Тоа е првиот модел од Хјундаи што стаса на македонско тло. Така беше во ’90 години од минатиот век, а денес во октомври, Хјундаи го прославува производството на 100 милионитиот примерок. За 57 години овој корејски производител на автомобили успеа да стаса до таа преголема јубилејна бројка или просечно секоја година произведувал по 1.754 милиони возила. Ако го споредиме растот на Хјундаи со останатите од неговата „клапа“ лесно се приметува неговиот брз развој постигнат пред сѐ со многу знаење и многу вложен труд. Од 1968 год. кога Хјундаи беше на дното од списокот на производители, денес Хјундаи е трет најголем производител на автомобили во светот по Тојота и Фолксваген.
Главната прослава се одржала дома во матичната фабрика Улсан каде присуствувал сиот врв од Хјундаи, акционерите и секако многу од постојаните купувачи. Покрај прославата по повод јубилејот, Хјундаи приреди мала церемонија примопредавање на првиот автомобил по тие 100 милиони произведени. Среќниот купувач на „јоник 5“ бил услужен со сите почести , а Хјундаи со тоа ги наговести следните 100 милиони примероци.
Денес Хјундаи е сопственик на неколку марки автомобили, Генезис марка која самиот ја создаде со главна цел да произведува автомобили од премиум класата. Тоа е нешто како Тојота со Лексус, Хонда со Акура и Нисан со Инфинити, односно за поубедлив пробив пред сѐ на американскиот пазар, но и на останатите пазари во светот. Покрај оваа марка, Хјундаи во својата дивизија ја има марката Јоник, посебно создадена за електричната дивизија, а за истакнување на брзинските способности ја подготви ознаката (марката) „н“, слична на ознаката „гти“, „нисмо“ и други, но има и акции во Римац Автомобили.
ТОП НОВОСТИ
