Компанијата ФАВ кинески производител на автомобили и сопственик на марката Хонгки, во минатиов период направи многу измени и крупни чекори во насока на производство на луксузни автомобили. Меѓутоа кинеската компанија не е сама во ова длабоко преобразување. Тоа го прави со заеднички сили од страна на италијанската дизајнерско конструкторска куќа Силк ЕВ. Покрај овие имиња има уште едно кое посебно стои зад дизајнот, а тоа е Валтер де Силва, некогаш вработен во: Фиат, И.ДЕ.А, Алфа Ромео, потоа Сеат, Ауди и групацијата Фолксваген АГ. Кинеската компанија се договорила со Силк ЕВ да ја пренаменат марката Хонгки да произведува исклучиво луксузни хибридни и електрични автомобили, а меѓу нив и супер луксузни.
Првиот модел кој треба да излезе од производните погони е хипер купето „с 9“ за првпат прикажано како концепт на Салонот за автомобили во Франкфурт во 2019 година. Концептот во себе има хибриден погон V8 мотор и електро погон со вкупна силина од 1400 КС. Можно е истата комбинација да биде вградена во сериското хипер купе „с 9“. Производството ќе се одвива во Модена каде се наоѓа главнината на Силк ЕВ, додека големосериските модели ќе се прозведуваат во Кина. На фотографиите е прикажан концептот „хонгки с 9“. Договорот вреден милијарда долари треба да го даде првиот милион возила во 2030 година.
ТОП НОВОСТИ
