Претставена е шестата генерација од популарниот модел на Хонда, сивик, и не говориме за обичниот туку за тој со наставка „тип р“. Силен турбо мотор со четири цилиндри во линија со над 320 КС, а колку се точно сѐ уште не е обелоденето. Штом е така тогаш ова е најснажната изведба во семејството „сивик тип р“. И како што најавува производителот, новиот „цивик тип р“ ќе биде најбрзиот автомобил со погон само на предна оска.
Затоа да нагласиме, силината од моторот се пренесува на предната оска преку шест степен обичен менувач. Светот очекуваше нешто повеќе во овој дел од автомобилот како на пример погон на сите тркала и некој вид на автоматски менувач, но од сето тоа ништо. Но затоа поклониците на рачните менувачи ќе уживаат во класиката и ќе ја покажуваат својата умешност при брзите промени во преносите кога се наоѓаат на пример на планински пат.
Иако велат новиот „цивик тип р“ поседува најмногу силина, сепак сѐ уште не се објавени целосно техничките и брзинските особини. Одговорните во Хонда чекаат некоја голема саемска манифестација за да ги обелоденат деталите на еден од најпосакуваните автомобили во светот.
ТОП НОВОСТИ
