Дека и Тексашаните умеат да прават врвни спортски купе автомобили доволно говори марката Хенеси. Тие таму немаат само нафта, волови и лимузини од по седум метри, туку умеат и купе да направат. „Веном“ е едно од нив, а вие самите ќе кажете дали е тоа така или не, односно дали „веномот“ ги исполнува строгите купе правила.
Како и Шевролет (со „корветата“), така и Хенеси ита кон бариерите од 1.000 и 2.000 коњски сили, затоа што многу поголеми и помали производители веќе имаат модели со толку многу коњски сили. Нивното тркачко грло е наречено „веном ф 5 стелт сериес“. Во подготовка е „ф 5“ изведба од моделот „веном“, а ќе биде произведена во само 99 примероци. Oд тие 99, три примероци ќе бидат именувани како „стелт серија“ и ќе бидат многу „посебни“. Тоа ќе треба и многу да се плати, а веќе е платено и сопствениците сега ги очекуваат своите автомобили, две во купе изведба и еден спидстер. Оваа тројка ја користи основата од изведбата „револушн“ која, исто така, има лута машина во себе, само 6,6 л зафатнина. Две од трите „стелт серија“ беа едни од главните ѕвезди на годинашнава Недела на автомобили што секоја година се одржува во Монтереј, Калифорнија.
„Тројката“ има 6,6 л мотор спакувани во осум цилиндри распоредени во V и со двоен полнач моторот развива фантастични 1817 КС. Шасијата и телото се направени од јаглеродни влакна, а на работниците им биле потребни дури 2.350 часови за изработка на една шасија и едно тело. Нешто слично се случува и со бојата. Таа е некоја нијанса на зелена и според кажувањата од производителот биле потребни дури 650 часови да се бојадиса еден од тие три автомобили.
Оваа „невидлива“ (стелт) реткост од 3,1 милион долари е наречена „веном ф 5 стелт сериес“, створена од Хенеси е зачинета и со позлатени делови. Сега си го поставуваме прашањето зошто некој би позлатувал купе автомобили кога во нив има вградено толку многу нова технологија?
ТОП НОВОСТИ
