Подготовка:
Врапот е класично „street food“ јадење кое можете да го најдете ширум светот. Комбинациите сролани во врап се бесконечни! Јас за вас во овој број направив бургер врап. Испечете ја плескавицата од чисто јунешко месо на плотна или тава со малку масло. Потоа со дрвена лажица издробете ја на топлата површина. Можете да додадете малку рендана моцарела и да промешате додека месото е СÈ уште во термичка обработка. Тортиљата намачкајте ја со тенок премаз од сенф. Во сад измешајте рукола со малку мајонез и тенко исечкан црвен кромид. Потоа вмешајте го меленото месо и ќе добиете смеса од зеленчук и месо кое е полнеж за врапот. Свиткајте го, пресечете го на половина и послужете го со помфрит или класичен чипс.
Уживајте!
ТОП НОВОСТИ
