Корејскиот производител на автомобили познат под името Хјундаи започна со работа во 1967 година, односно тогаш го лансираше својот прв автомобил. Кај нас Хјундаи за првпат стаса со моделот „пони“ и постигна солиден успех, а по него дојдоа и другите модели. Упорноста и квалитетот вродија со плод и Хјундаи денес е трет во светот по број на произведени автомобили, зад Тојота и Фолксваген. Неговата моќ ја потврди и со создавање сосема нова марка Генезис во 2015 година, припадник на премиум класата. Сето тоа му е малку и сега нештата одат уште понапред. На крајот од март марката Генезис лансираше подмарка или подобро да ја наречеме колекција со име Магма. Преку таа подмарка или колекција, Генезис сака да ги помести границите во автомобилската индустрија на друго ниво. За таа цел претстави концепт „гв 60 магма“, односно сув моделот „гв 60“ го претвори во нешто како спортско купе. Пониска силуета, пошироки траги од тркалата и портокалова боја која во иднина ќе послужи како заштитен знак на подмарката Магма.
Концептот „гв 60 магма“ беше претставен пред светската јавност на неколку денови пред саемот во Њујорк отворен на 29 март.
Зад оваa приказна на Генезис стои лично креативниот директор на Генезис, Лук Донкерволке, одговорниот за дизајн во Хјундаи. На прашањето дали концептот ќе влезе во производство и кога, Л. Донкерволке одговорил дека тоа набрзо ќе се случи, не прецизирајќи апсолутно ништо. Магма е еднакво на видоизменати спортски изведби од постоечките модели на Генезис, така нас ни се чини. И сега си го поставуваме прашањето дали подмарката Магма подоцна ќе заживее како сосема самостојна марка во големото семејство на Хјундаи?
ТОП НОВОСТИ
