Штотуку претставената четврта генерација од моделот „фокус“, еден од најпродаваните фордови автомобили, во Женева дебитира со изведбата „ст“. Тоа „ст“ значи многу коњски сили и сосема поинакво однесување на автомобилот.
Објаснето со два – три збора „ст“ е лутата пиперка во „семејството фокус“. Во него се вградува 2,3 литарски мотор со четири цилиндри во линија кој со помош на технологијата „еко буст“ развива 280 КС, а за тие што обожуваат дизел погонска единица и „ознака „ст“ за нив Форд нуди 2,0 литарски мотор со 190 КС. Друга особина на ознаката „ст“ (спорт технолоџис) е тоа што во автомобилот има вградено уред наречен „ццд“ кој на секои две милисекунди ја надгледува работата на суспензијата, динамиката на управувањето и сопирањето и однесувањето на шасијата, за поагилно,
подобро и побезбедно возење и сето тоа во манирот на претходно спомнатата ознака.
Од стариот модел, новата четврта генерација „ст“ се разликува по тоа што има за 12 отсто поголема силина и за 17 отсто поголем вртежен момент. Засега ова е најбрзиот „фокус“, а така ќе остане сè додека не влезе во игра тој со ознака „рс“.
ТОП НОВОСТИ
