Една неодамнешна студија, спроведена од ADAC, откри дека „plug–in“ хибридните возила (PHEVs) не се секогаш еколошки поповолни од возилата со мотор на согорување.
Тестовите на ADAC покажаа дека не сите PHEV се еднакви и, генерално, можат да се поделат во три групи:
група 1: PHEV кои се секогаш поефикасни и помалку загадувачки од компатибилните модели на мотори на согорување.
група 2: PHEV кои имаат предност пред возила со конвенционално напојување само ако во електричен режим работат барем околу 50% од времето.
група 3: PHEV кои воопшто немаат предност , во секое сценарио за возење.
Како привремена технологија во светот, кој полека се врти кон електрична мобилност, PHEV доаѓаат со владини олеснувања или сувбенции за набавка, како што се еко бонусот или даночните ослободувања, доколку се користат како службени автомобили. Она што, сепак, не го добиваат приватните купувачи и операторите на возниот парк, е преглед на податоците за потрошувачката во различни режими на работа за директна споредба на PHEV со неговата верзија со конвенционално напојување.
Од таа причина, ADAC ги повикува производителите на возила да наведат податоци за потрошувачката на PHEV за сите електрични режими, како и кога се напојуваат од моторот на согорување (кога погонската батерија е празна).
ТОП НОВОСТИ
