Постојните безбедносни системи (појаси) не се дизајнирани и наменети за нестандардните позиции на седење предвидени во самоуправувачките автомобили на иднината.
Во своите тестови, ADAC откри дека идните позиции на седиштата бараат целосно нови концепти на безбедносни ремени, воздушно перниче и седиште.
Во денешните автомобили, целата структура на возилото, како и безбедносните ремени и воздушните перничиња, се наменети за патници кои седат исправено и се свртени во правецот на движење. Во својот тест, ADAC откри дека иако благо ротираното седиште (+/- 15 °) нема значителен негативен ефект врз безбедноста, но доколку седиштето го навалите во позиција за спиење, може да се соочите со сериозни, па дури и фатални повреди при сообраќајна несреќа.
Станува очигледно дека појасот од 3 точки, онаков каков што го знаеме денес, нема соодветно да го заштити патникот во седиште свртено спротивно на правецот на движење или спуштено наназад. Во тестот, краш куклата не успеа да се задржи во седиштето и потпирачот за грб се скрши на само 30км/ч, што предизвикува патникот при несреќа да се дигне уште повисоко и потенцијално да се судри со таванот. Седењето странично од правецот на движење може да биде проблематично ако возачот се лизне под сигурносниот појас, или ако безбедносниот појас му нанесува повреди на вратот.
Затоа, ќе биде потребно да се развијат нови концепти за воздушни перничиња, безбедносни појаси и седишта што се прилагодени на нестандардните позиции на патниците и обрасците на движење. Конструкцијата на возилото (А и Б столбови, табла, итн.), исто така, ќе бара дизајн кој ќе спречи патниците да се судираат со компонентите на возилото.
ТОП НОВОСТИ
