Се работи за електричен автомобил, наместа обложен со тенок слој злато. Имено, овој благороден метал со жолта боја и 24 карати ги покрива маската однапред, завршетоците на браниците и нивните надворешни линии, капаците на ретровизорите, праговите, вратите, задниот дифузер, капакот на гепекот, тркалата и сопирачките сегменти, применувајќи ја техниката на двојно галванизирање (покривање со слој на метал со помош на галвански електрицитет), како што истакнуваат челниците на рускиот бренд, правејќи совршен контраст на црната каросерија.
Логото на Caviar ги замени ОЕМ (Original Equipment Manufacturer) парчињата на двете страни од електричниот автомобил. Името на брендот, исто така, е присутен (изгравиран) на лајсната одзади, која го „разделува“ трупот, заедно со First Edition амблемите додадени на предниот браник и петтата врата. Надворешните рабови на информативно-забавниот систем и контролната табла, исто така, имаат сличен третман, вклучително и управувачот (воланот) каде што логото на луксузниот бренд се наоѓа во средината.
Ограничен на 99 примероци, Model Excellence 24K чини 299.000 долари во Plaid варијанта на Tesla Model S, што е двојно поскап од регуларната линија што се продава во Америка, сосема нова. Model S Plaid има поставка со три мотори, чија моќност изнесува 1.100 коњски сили, заедно, и можат да достигнат стотка од место за помалку од две секунди, судејќи по калифорнискиот производител.
Заедно со OTT (Over the Top) електричниот седан модел, Caviar лансира и специјално издание на iPhone 12. Овој Black Titanium паметен телефон чини 6.150 долари во Pro спецификациите со 128 гигабајти интерен капацитет. Него го придружува и 12 Pro Max варијантата со исти карактеристики, која доаѓа по цена од 6.680 долари или 6.990 долари, колку што е потребно да се издвојат за двојно поголем капацитет, или, пак, 7.380 долари за моделот со 512 гигабајти. Како и да е, сите четири телефони се наменети за купувачите на позлатениот Model Excellence 24K, што е убав начин да се испратат на нивните патувања.
ТОП НОВОСТИ
