ВО УСЛОВИ НА ВИСОКИ ЦЕНИ НА ГОРИВАТА, КАКО РЕЗУЛТАТ НА ВИСОКИТЕ ЦЕНИ НА НАФТАТА НА СВЕТСКИТЕ БЕРЗИ, АВТОМОБИЛ СЕ ПОВЕЌЕ ГО ОПТОВАРУВА И ОНАКА СКРОМНИОТ БУЏЕТ НА НАШИТЕ ГРАЃАНИ. СО ЕДЕН ЗБОР РАСТАТ ТРОШОЦИТЕ ЗА УПОТРЕБА НА АВТОМОБИЛОТ
Со зголемувањето на цените на горивата, користењето на автомобилот веќе станува луксуз. Основна препорака е што помалку да се користи возилото особено на куси релации и во места каде е густ сообраќајот и тешко се наоѓа место за паркирање. Меѓутоа, и со менување на возачките навики може да се заштеди гориво. Ќе се обидеме да дадеме неколку практични совети со што ќе ги заштедите „давачките“ за гориво. Со менувањето на навиките и примената на овие совети вашето возило ќе потроши многу помалку гориво отколку што е вообичаено, што, пак, позитивно ќе се одрази и на вашиот домашен буџет. А со примената на овие совети ќе се менуваат и вашите возачки навики и бидете сигурни дека резултатите нема да изостанат…
1. Зголемете го притисокот на воздухот во пневматиците со што нема да изгубите на стабилноста на возилото, иако ќе почуствувате неудобно и потврдо возење. Заштедата е околу 0,2 l/100 km.
2. Навикнете се што помалку да го вклучувате клима-уредот, како и другите електрични апарати, или користењето сведете го на минимум. Заштедувате околу 2 l/100 km.
3. Извадете ги багажниците од кровот на автомобилот кои непотребно создаваат отпор и ја зголемуваат потрошувачката. Заштедувате до 2l/100 km.
4. Редовно контролирајте ја состојбата и редовно менувајте ги филтерот за воздух, за нафта, за бензин, LPG, свеќичките, како и маслото во моторот. Заштедувате до 1 l/100 km.
5. Испразнете го багажниот простор од непотребни работи. Заштедувате до 0,5 l/100 km.
6. Порано менувајте го степенот на пренос, при што може да се заштеди до 1,5 l/100 km.
7. Не го загревајте го моторот во место. Заштедувате до 0,1 l/100 km.
8. Исклучете го моторот кога возилото не е во движење. Заштедувате до 0,3 l/100 km.
9. Користете специјално масло за подмачкување на моторот, што има висок квалитет и подолга трајност. Заштедата е до 0,5 l/100 km.
ТОП НОВОСТИ
