Романскиот производител на автомобили Дачија, на почетокот од октомври во Берлин го претстави поголемиот брат на сув моделот „дастер“ наречен „бигстер“. Дачија многу добро го владее сегментот „б“ со „дастерот“, но не се задоволува со тоа и сега ита да завладее со сегментот „ц“. Како што ѝ тргнало наскоро ќе успее во намерата затоа што „бигстер“ ќе се продава за помалку од 25.000 евра, а нуди повеќе. За тие пари добивате сув со должина од 4,57 м (23 см повеќеод „дастерот“) во кој можат удобно да се сместат пет возрасни лица, а одделот за патните торби располага со зафатнина од дури 667 л. Најголем дел од конкуренцијата има помал товарен простор. И не е во прашање само товарниот, туку и просторот наменет за патници.
Конструкторите велат „бигстер“ има најголем патнички простор во класата. Ширина 1,81 м, висина 1,71 м со растојание меѓу оските од 2,70 м. Во „дачија бигстер“ се вградуваат следниве погонски единици: 1,2 тце со три цилиндри плус турбо со чија помош се добиваат 140 КС, а има и умерена 48 волтна хибридна технологија. Изведбата со плински уред заедно со бензинскиот може да измине дури 1.450 км. И да не заборавиме да спомнеме, Дачија е прва наконтинентов по продажба на возила со плински уред. Со овој три цилиндричен мотор „бигстерот“ има погон само на предната оска. Вториот мотор е всушност овој истиот со три цилиндри само е поинаку „навиен“, има 130 КС, но и погон насите тркала и пет подесувања за возење: „автоматски“, „еко“, „теренски“, „кал / песок“ и „снег“. И двете изведби користат обичен менувач со шест брзини. Третата изведба е хибридна погонска единица со 1,8 л бензински мотор со четири цилиндри во линија со 107 КС. Во комбинација со електромоторот кој поседува 50 КС и стартер генераторот со неговите 20 КС, сето тоа е еднакво на 155 КС и електричен автоматски менувач. „Есеншл“, „експрешн“, „екстрим“ и „џорнеи“, тоа се четирите пакети на опрема со кои бигстерот ќе излезе во продажба. Почетниот и најевтиниот е „есеншл“, додека останатите со повеќе опрема се со повисока цена. Сега ќе биде интереснода видиме што ќе сторат: „цитроен ц5 еркрос“, „киа спортаж“, „хјундаи туксон“,„мазда ц икс 5“, „фолксваген тиргуан“, „нисан кашкаи“ (овој е дел од поширокото семејство) итн.
Продажбата започнува идната година на пролет. Дали „бигстер“ како и „дастер“ќе биде најпродаван? Како што и тргнало на Дачија, големи се шансите уште вопрвата година „бигстерот“ да биде меѓу првите три најпродавани во класата.
ТОП НОВОСТИ
