Многумина не им претскажуваа долг работен век на каросериските работилници и кога сите гледаа пропаст во таквиот начин на работење, некој беше одважен и се дрзна да продолжи со работата и да опстане до денешен ден. Тоа е работилницата Carrozzeria Touring Superleggera.
По повод 95 години од своето постоење, компанијата најави претставување на модел со кој ќе го одбележи својот јубилеј. Наведената фирма ништо друго не спомна, а уште помалку најави, но едно нешто е сигурно, а тоа е средишно сместениот мотор во јубилејното возило. Штом моторот е централно сместен тоа значи автомобилот е купе, не со 2+2, туку само со две седишта. Можно е да биде и со 2+2 седишта како во „порше 911“, „нисан з икс 300“, „митсубиши еклипс“ и сличните на нив. И уште нешто друго е познато, а тоа е името „аресе рх 95“. Име како и секое друго, но тоа „аресе“ всушност е име на место во непосредна близина на Милано, каде Алфа Ромео ја имаше изградено својата најголема фабрика во 1965 година. Таа фабрика сега е затворена, но историскиот музеј на познатата марка сè уште е таму. Дали името има некаква врска со јубилејниот модел на Каросерија Туринг Суперлеџера?
Пред неколку денови Абарт приреди препородување на легендарниот модел „1000“. Возилото е направено во еден примерок и користи основа од алфиниот модел „4 ц“. Можно е такво нешто да подготвува и работилницата Суперлеџера, а како доказ се наведуваат веќе познатите нешта, централно сместен мотор и името „аресе рх 95“. Со поврзување на овие два чинители кои ни служат како траги, нè носат до Алфа Ромео. Сепак да се воздржиме од шпекулации и да видиме што ќе се случи во јуни за кога е закажано првичното претставување пред светската јавност. Јубилејниот автомобил ќе биде направен само во еден примерок, а ќе биде изложуван на манифестации од типот Салон Прајв, Конкурс на елеганција и останатите приредби од таков вид. Досега работилницата Каросерија Туринг Суперлеџера нема произведено (доработено) автомобил со централно сместен мотор, овој што го најавува ќе биде првиот.
ТОП НОВОСТИ
