Најпродаваната „бизнис“ лимузина во светот отсега натаму ќе се продава со електричен погон способен да биде дополнуван со електрична енергија, популарно наречени „плаг ин хибрид“ или електричен погон со приклучок за дополнување со струја, односно со гајтан. Изгледа малку комплицирано, а всушност е толку многу едноставно. Во изведбата со ознака „530 е“ е вграден 2,0 литарски мотор со двоен турбо полнач. Покрај класичниот, присутен е и електричниот вграден во менувачката кутија наречена „стептроник“. Оваа комбинација од погонски единици располага со вкупно 299 КС и вртежен момент од 450 Нм. Лимузината 530 е постигнува крајна брзина од 230 км/ч и забрзување од 0 до 100 км/ч за 6,3 сек. Доколку сакате да возите исклучиво на струја, тогаш возилото постигнува крајни 140 км/ч, додека забрзувањето е сосема солидно, само 6.3 сек. Откако ќе изминете околу 100 км, потоа ќе мора погонот да го препуштите на класичниот мотор.
Тие што сакаат повеќе силина во погонската единица, БМВ нуди изведба со приклучок наречена „550 е“ со вкупна силина од 489 КС и 700 Нм вртежен момент. Со возење само на струја лимузината изминува најмногу 90 км, а потоа батеријата „оди“ на полнење. Забрзува за 4,5 сек и постигнува крајни 250 км/ч. Тоа „икс драјв“ вели дека лимузината има погон на сите тркала, што е голем плус во однос на тие со погон на само една оска. Полнењето со електрична енергија оди малку споро, на пример на куќен приклучок трае безмалку 12 часови.
Пред неколку недели БМВ премиерно ја прикажа осмата генерација од најпродаваната лимузина за стопанствениците („бизнис“ лимузина), тогаш беше претставена целосно електрифицираната изведба, но и тие со умерена хибридна технологија.
ТОП НОВОСТИ
