„Петката“ во караван (туринг) изведба, претставува своевидна јахта на тркала. Автомобил од средната горна класа со должина од над пет метри и ширина 1,9 м во караван изведба делува грандиозно, масивно. Новата „петка туринг“ е подолга за 97 мм или вкупно 5.060 мм. поширока е за 32 мм или вкупно 1.900 мм и е повисока за 17 мм, односно сега е висока 1.515 мм. И растојанието меѓу оските е поголемо за 20 мм и сега изнесува 2.995 мм. Удобноста во автомобилот не е предмет ниту за опис, а уште помалку предмет за докажување.
Сѐ е повеќе од јасно, „бмв 5 туринг“ нуди удобност поголема и од најпрестижните лимузини. Тоа е така затоа што внатрешноста пред сѐ е посветена на семејствата, додека класичната лимузина, претставена минатата година, го нуди истото, но кај неа повеќе „игра“ престижот. Тие што сакаат врвна удобност и изразена спортска нота, токму за нив е наменет „бмв 5 туринг“ и плус добиваат голем, многу голем, оддел за товар, така што не е потребно редење на торбите и куферите, туку само фрлање внатре, затворате врата и седнувате зад управувачот.
Сето тое е овозможено од најмалку 570 л. (490 л. во лимузината) зафатнина и сѐ така до крајни 1.700 л, а да не зборуваме за делливоста на потпирачите од задните седишта – таму ќе ги сместите и најдолгите скии.
Да, и дизел моторите се присутни во изведбата „520 д“ и „540 д икс драјв“ 197 и 299 КС, но и електричните „е драјв 40“ со 340 КС и „м 60 икс драјв“ со 601 КС. И секако бензинскиот, со хибридна технологија „530 е“ со 299 КС со погон на задна оска и со погон на двете оски – „530 икс драјв“.
Продажбата само што не започнала по цена која ја знае само увозникот на автомобилите БМВ.
ТОП НОВОСТИ
