| ЧИТАЈ | СЛУШАЈ | ГЛЕДАЈ |
| „МАЛА КНИГА ЗА ХИГЕ“ МАЈК ВИКИНГ |
„NEUJAHRSKONZERT 2019“ WIENER PHILHARMONIKER |
„NOELLE“ (НОЕЛ) |
 |
 |
 |
| За Данска често се вели дека е најсреќната земја во светот. А тоа се сведува на една работа – хиге. Хиге се преведува на најразлични начини, од уметност на создавање блискост, преку пријатна душевна удобност, па сè до црпење задоволство од присуството на смирувачки нешта. А мојот омилен опис е – какао под светлина од свеќи…“ Кога ќе го почувствуваш она што се нарекува хиге, едноставно го знаеш тоа. Тоа е она кога си стуткан на каучот со саканата личност, или кога јадеш заедно со најблиските пријатели. Тоа се оние јасни сини утра кога светлината што ти влегува низ прозорецот е токму онаа вистинската. Мајк е, инаку, генерален директор на Институтот за истражување на среќата во Копенхаген и има минато многу години во проучување на магијата на данскиот начин на живот. Почнувајќи од изборот на вистинското осветлување и сè околу планирањето забава, преку создавањето комплет за хиге прва помош, па дури и во однос на изборот на облека, оваа прекрасна и инспиративна книга на Мајк ќе ти помогне да бидеш по-хиге. | Во исчекување на новогодишниот концерт што ќе се одржи на 1-ви јануари 2020 година, под диригентската палка на Andris Nelsons, претпразничното расположение „зачинете“ го со пријатните звуци на Виенската филхармонија, предводена од диригентот Christian Thielemann, од New Year’s Concert 2019, чиј телевизиски пренос го следеа 40-тина милиони гледачи во 90-тина земји. На цедето се изведбите на „Schönfeld-Marsch“ (Carl Michael Ziehrer), „Transactionen“ (Josef Strauß), „Elfenreigen“ (Josef Hellmesberger, синот), „Expreß“ (Johann Strauß, синот), „Nordseebilder“ (Johann Strauß, синот), „Mit Extrapost“ (Eduard Strauß), „Der Zigeunerbaron“ (Johann Strauß, синот), „Die Tänzerin“ (Josef Strauß), „Künstlerleben“ (Johann Strauß, синот), „Die Bajadere“ (Johann Strauß, синот), „Opern-Soiree“ (Eduard Strauß), Eva-Walzer и Csardas од „Ritter Pásmán“ (Johann Strauß, синот), „Egyptischer Marsch“ (Johann Strauß, синот), „Entr’acte Valse“ (Josef Hellmesberger, синот), „Lob der Frauen“ (Johann Strauß, синот), „Sphärenklänge“ (Josef Strauß), „Im Sturmschritt“ (Johann Strauß, синот), „An der schönen blauen Donau“ (Johann Strauß, синот) и „Radetzky-Marsch“ (Johann Strauß, таткото). | Филмот е снимен од Walt Disney Pictures, по сценарио на Marc Lawrence, кој се потпишува и како режисер. Неговата содржина ќе придонесе за уште поголемо празнично расположение, исполнето со смеа. Noelle, ќерката на Kris Kringle, е забавна девојка, чиј ведар дух не ѝ дозволува да седи мирна, па така, во пресрет на Божиќ, размислува како да се вклучи во подготовките за да му помогне на нејзиниот сакан брат Nick, кој, по смртта на татко им, ја презема улогата на Дедо Мраз. Тренингот не е ни малку едноставен, поради што Nick не успева да го совлада материјалот, и пропаѓа. Кога ќе се скрши како колаче од ѓумбир, од притисоците што го „демнат“ на секој чекор, Noelle му сугерира да се одмори, за главата да му се избистри, но… тој веќе не му се враќа на тренингот за Дедо Мраз.
Жанр: фантазија, комедија Глумци: Anna Kendrick, Bill Hader, Kingsley Ben-Adir, Billy Eichner, Julie Hagerty, Shirley MacLaine Режија: Marc Lawrence |
ТОП НОВОСТИ
