Околу една година „вртат гласини“ дека Бентли подготвува нешто посебно, односно нешто од класата на моделот „бакалар“ од кои беа произведени само 12 примероци. Деновиве од Бентли излегоа неколку „фотографии“ со кои се најавува претставувањето на ултра луксузниот модел „батур“. Името на прв поглед не кажува многу, но Бентли во последно време игра со географијата. Бакалар е залив (лагуна) во Мексико и оттаму е позајмено името за претходниот ултра луксузен модел, а за сегашниов кој ќе биде произведен во само 25 примероци, името е позајмено од едно живописно езеро наречено Батур на островот Бали.
За производството на тие 25 примероци задолжена фирмата Мулинер со која Бентли соработува точно 99 години, односно од 1923 година кога тогашната работилница Мулинер подготви своја изведба од двоседот „бентли купе“ за пригода наречена Олимпија шоу по повод Олимписките игри кои требале да се одржат во 1924 година. Според првичните сознанија ултра луксузниот „бентли мулинер батур“ ќе биде задвижуван од мотор со 12 цилиндри распоредени во W (двојно V). Инаку, тоа е мотор развиен од Фолксваген уште пред 20 години, а Бентли веќе од поодамна е во јатото на спомнатиот производител.
Со овој модел Бентли ќе постави нови дизајнерски решенија и ќе биде еден вид мост помеѓу моделите со класичен погон и тие кои допрва треба да дојдат со електричен погон.
ТОП НОВОСТИ
