По глобалната премиера, целосно новиот кросовер на Alfa Romeo наречен Tonale пристигна во Македонија. За дебито на нашиот пазар Tonale е специјално опремен во верзијата Edizione Speciale која се карактеризира со врвно ниво на опременост и напреден дизајн, а ќе биде достапен како прв електрифициран модел на Alfa Romeo што треба да ја предводи пресвртница за италијанската марка.
Моделот Alfa Romeo Tonale Edizione Speciale е конфигуриран со хибриден мотор со 130 КС во комбинација со нов автоматски менувач со седум брзини, 48 волтен електромотор со моќност од 15 kW и 55 Nm влечна сила, кој е во состојба да пренесува погон на тркалата дури и кога моторот со внатрешно согорување е изгасен. Оваа, „специјална едиција“ на македонскиот пазар ќе биде достапна со богата опрема која вклучува инфозабавен систем од 10,25 инчи со навигација, 12.3-инчен инструмент кластер, спортски волан обложен со кожа и алуминиумски рачки за менувач, безжичен полнач, амбиентално осветлување, предни и задни сензори за паркирање, интелигентен адаптивен темпомат, Full LED Smart Matrix предни светла, предна решетка во V форма, затемнети стакла, спортски алуминиумски педали, отклучување без употреба на клуч и отворање на петта врата преку сензор, 20-инчни алуминиумски тркала, шепи на кочниците во препознатлива црвена боја.
Кога станува збор за останатите „хардверски“ спецификации, треба да се истакне дека под исклучително допадливата надворешност на Tonale се наоѓа еволуција, FCA платформа која може да се најде на модели како Jeep Compass, но со поширок траг и поголемо користење на алуминиум и модификации направени за да се вметнат новите хибридни погони. Се одликува со должина од 4.530 и висина од 1.600 милиметри, а освен тоа од Alfa истакнуваат дека 13.6:1 соодносот на управливоста е најбрзиот во класата.
Проектиран и дизајниран за центарот на нештата да биде токму возачот, Tonale ги соединува висококвалитетните материјали со ексклузивни обработки и им ги нуди на своите патници тајните на италијанското гостопримство.
Alfa Romeo со новиот Tonale нуди целосно нов интегриран систем за информирање и забава како стандард кој, благодарение на приспособливиот Android оперативен систем и 4G поврзувањето „Over The Air“ (OTA), гарантира постојано ажурирана содржина и услуги.
ТОП НОВОСТИ
