| ЧИТАЈ | СЛУШАЈ | ГЛЕДАЈ |
| „ГЛАСОТ ВО НАШАТА ГЛАВА, ЗОШТО Е ВАЖЕН И КАКО ДА ГО КОРИСТИМЕ“ ИТАН КРОС |
„30“ ADELE |
„THE KING’S MAN“ (ЧОВЕКОТ НА КРАЛОТ) |
 |
 |
 |
| Авторот е наградуван психолог кој во оваа книга ни ги открива скриените моќи на нашиот внатрешен глас и ни покажува како да го искористиме во борбата со анксиозноста, како да си го подобриме психичкото и менталното здравје и како да ги продлабочиме нашите врски со другите. Итан Крос ги истражува тивките разговори што ги водиме со себе. Испреплетувајќи ги револуционерните проучувања на мозокот што ги спроведувал во неговата лабораторија со конкретни студии на случај, тој објаснува како внатрешните разговори ги обликуваат нашите животи, работа и врски. Тој предупредува дека препуштањето на негативни и дезориентирачки разговори со себе – што тој ги нарекува „брборење“ – може да ни го нарушат здравјето, да ни го „спуштат“ расположението, да ни ги ограничат социјалните односи и да почнеме да попуштиме под притисок. Но, добрата вест е дека ние веќе сме опремени со алатки што ни се потребни да направиме нашиот внатрешен глас да работи во наша полза… Брилијантно аргументирана, стручно поткрепена и полна со приказни со кои секој може да се идентификува, оваа книга ни дава моќ да го смениме најважниот разговор што го водевме секој ден:оној со себе си. | Четвртиот студиски албум на 33-годишната лондончанка, издание на Melted Stone Limited и Columbia Records, излезе минатата година (19 ноември) по шестгодишна пауза, откако во 2015-тата го издаде третиот, насловен „25“. Пејачката, односно кантавторка, и овој пат работеше со продуцентите Greg Kurstin, Max Martin и Shellback, како претходно, а започна да соработува и со Ludwig Göransson, вклучително и со Inflo, кој работи за бендот Sault. „30“ инаку е комбинација на поп-музика, соул и џез, а тематиката што ја „обработува“ е анксиозноста и разводот, т.е. проблемите со кои се соочуваше во изминатите шест години, не исклучувајќи го и уживањето во мајчинството. На промоцијата й претходеа и два сингла – „Easy on Me“ (15 октомври) и „Oh My God“ (29 ноември). Останатите десет песни се „Strangers by Nature“, „My Little Love“, „Cry Your Heart Out“, „Can I Get It“, „I Drink Wine“, „All Night Parking“ (со Erroll Garner), „Woman Like Me“, „Hold On“, „To Be Loved“ и „Love Is a Game“. Лимитираната едиција за јапонскиот и пазарот на Target Corporation вклучува и три бонус песни – „Wild Wild West“, „Can’t Be Together“ и „Easy on Me“ (со Chris Stapleton). Музичките критичари дадоа позитивна оценка, буквално сите се согласија дека „30“ е најдобриот албум на Adele Laurie Blue Adkins досега. |
Филмот е снимен лани, кога се одржа и неговата премиера, во САД (22 декември) и во Британија (26 декември), благодарејќи на Walt Disney Studios Motion Pictures, неколкупати одложувана поради коронавирусот 19. Освен Matthew Vaughn, кој е и режисер, како автор на филмското сценарио е потпишан и Karl Gajdusek. Се работи за трет филм што й припаѓа на истоимената филмска серија – Kingsman: The Secret Service (од 2014-тата) и Kingsman: The Golden Circle (од 2017-тата), заснована врз познатиот стрип на Mark Millar и Dave Gibbons. Филмот се фокусира на неколку настани во текот на Првата светска војна, вклучително и раѓањето на Kingsman организацијата. Имено, еден човек мора да се трка со времето за да ги спречи најлошите тирани во историјата и криминалните наредбодавци кои се здружуваат со цел да заговараат војна што може да го уништи човештвото, убивајќи милиони луѓе. Филмските критичари се поделени, но сите се согласуваат дека филмот ќе заработи многу поради гледаноста, повеќе од седумдесет и пет милиони долари. Жанр: акција/ комедија/ шпионажа Актери: : Ralph Fiennes, Gemma Arterton, Rhys Ifans, Matthew Goode, Tom Hollander, Harris Dickinson, Daniel Brühl, Djimon Hounsou, Charles Dance Режија: Matthew Vaughn |
ТОП НОВОСТИ
