| Од авторот на меѓународниот бестселер „Мала книга за хиге“, Мајк Викинг, од печат излезе книгата „Уметноста на создавање спомени“. Викинг, кој е истражувач на среќата и најпродаван автор на „Њујорк тајмс“, во оваа книга открива како да создавате и да помните среќни моменти, кои го прават животот посладок. Секоја година имаме на располагање фиксен број денови. Некои денови нè одминуваат не оставајќи зад себе никаква трага, а некои ги помниме засекогаш. Дали го паметиш првиот бакнеж? Или највкусниот оброк? Или мирисот на свежо потстрижената трева на совршен летен ден? Кога нашите сетила се стимулирани, кога ќе ја искористиме моќта на првите искуства и кога сме свесни за сопствените чувства и емоции, полесно ќе ги зачуваме нашите среќни спомени. Повикувајќи се на научни истражувања на среќата, Мајк Викинг нè учи како да создаваме среќни спомени и како полесно да ги задржиме. Користејќи податоци и дневници, прашалници, глобални анкети и истражувања, научни осврти на однесувањето и експерименти со среќата, Уметноста на создавање спомени ќе ни објасни како да создадеме совршени моменти. Моменти што ќе ги запаметиме засекогаш. Моменти што ќе ја обликуваат нашата личност. |
Некогашниот член (главен пејач) на британската поп-група Take That – Gary Barlow чија соло кариера е завидна, и како пејач, но и како текстописец, продуцент, личност од телевизијата и актер, на 26-ти минатиот месец го издаде својот шести студиски албум. The Dream of Christmas е, всушност, негово прво божиќно цеде кое се пушти во продажба во пресрет на празничните денови, во соработка со Polydor Records Ltd., а Sheridan Smith (англиска глумица, пејачка и презентерка – телевизиска), The Puppini Sisters (англиско вокално трио), Sheku Kanneh-Mason (британски челист) и Aled Jones (велшки пејач и презентер – радио и телевизиски) се негови гости. Подготовките за овој албум почнале минатата година кога Божиќ се прослави дома заради вирусната пандемија. Како што е вообичаено, и на овој албум му претходеа неколку промоции на синглови, поточно три – „The Dream of Christmas“ и „Sleigh Ride“ на 29 октомври, а „How Christmas Is Supposed To Be“ со Sheridan Smith се промовираше на 24 ноември. Другите осум песни се: „Wonderful Christmastime“, „This Christmas“, „Come on Christmas“, „My Dear Acquaintance“, „Winter Wonderland“ (со The Puppini Sisters), „The Colder It Feels“ (со Sheku Kanneh-Mason), „Merry Christmas Everyone“ и „A Child’s Christmas in Wales“ (со Aled Jones). Делукс едицијата има пет бонуси – „I’ve Got My Love to Keep Me Warm“, „I Believe in Father Christmas“, „In the Bleak Midwinter“, „It’s the Most Wonderful Time of the Year“ и „Christmas Sweater“. |
Како што се ближат новогодишните и божиќните празници, така се интензивираат препораките на продукциските куќи за филмовите кои сметаат дека треба да ги гледате во деновите кога се пречекува Новата година и се прославува Рождеството Христово. Минатиот месец, на 26-ти, се одржа премиерата на романтичната комедија A Castle for Christmas, снимена по сценарио на Ally Carter, Kim BeyerJohnson, Neal H. и Tippi Dobrofsky. Филмот на Netflix ја раскажува приказната за американската писателка, авторка на бестселери – Sophie Brown која патува во Шкотска за да избега од скандалот што го предизвика нејзината последна книга. Додека е таму, писателката се заљубува во замокот Dun Dunbar, но мора да се соочи со лошото расположение на војводата кој е, всушност, негов сопственик. Инаку, романтичната комедија е снимена во реставрираниот Dalmeny House, готски дворец во северозападниот дел на Единбург, но и замокот Tantallon се користел за снимање, како сцена. Музиката во филмот ја содржи песната „Келтско срце“ на бендот Starsky & The Fox од Глазгов. • Жанр: романтична комедија Актери: JBrooke Shields, Cary Elwes, Lee Ross, Vanessa Grasse Режија: Мary Lambert |
ТОП НОВОСТИ
