| ЧИТАЈ | СЛУШАЈ | ГЛЕДАЈ |
| „СТОГОДИШНИКОТ КОЈ СКОКНА НИЗ ПРОЗОРЕЦ И ИСЧЕЗНА“
ЈОНАС ЈОНАСОН |
„VITA CE N’È“
EROS RAMAZZOTTI |
„AT ETERNITY’S GATE“
(НА ВРАТАТА ОД ВЕЧНОСТА) |
 |
 |
 |
| Приказната за Алан Карлсон, ведриот старец кој на својот стоти роденден – скокнува низ прозорец, цврсто решен старечкиот дом во Малмкопинг да не биде место на кое ќе го заврши својот век, добива свој заплет кога стариот присвојува куфер од еден криминалец. Тоа ќе покрене низа случувања и ќе го доведе во врска со многу интересни ликови. Како се заплеткува оваа случка така се отплеткува животот на Алан Карлсон, кој, како што се покажува, во вистинско време се наоѓал на места на кои се решавала иднината на Европа и на светот: учествувал во војната меѓу Шпанците и Шпанците, вечерал со Труман, ручал со Мао Цетунг, спречил атентат на Черчил… Русите го бркале да им ја открие тајната за атомската бомба, а тој, побегнувајќи од сибирскиот гулаг, преку Северна Кореја стигнал на Бали каде 15 години живеел од американски пари наменети за помош и развој на да лекоисточните земји-урнебесна историја на модерниот свет! | Интересот за концертот на Ерос Рамацоти во Скопје на 30 септември е голем. Македонските граѓани ќе имаат ретка можност да ги чујат во живо и песните од најновиот, четиринаесетти студиски албум на педесет и петгодишниот италијански поп-пејач. „Vita cen’è“го издаде лани, на 23 ноември, во продукција на „Polydor Records“. Освен на мајчин јазик, пее и на шпански. Истоимениот сингл излезе на 19 октомври, заедно со видеоспот, кој беше снимен во Мајами, а го режираше Marc Klasfeld. Останатите четиринаесет песни на албумот се: „Per il resto tutto bene“, „Vale per sempre“(со Alessia Cara), „Siamo“, „In primo piano“, „Tidichiaro amore“, „Per le strade una canzone“(заедно со Luis Fonsi), „Una vita nuova“, „Ho bisogno di te“, „Due volontà“, „Nati per amare“, „Dall’altrapartedell’infinito“, „Buonamore“, „Avanti cosi“ и „Per il resto tutto bene“(со Helene Fischer), чие рангирање на топ-листите во Австрија, Белгија, Италија,, Унгарија, Холандија, Швајцарија и Шпанија е доста високо. | Филмот е, всушност, приказ на последните години од животот на познатиот холандски сликар Винсент ван Гог, драматизација на контроверзната теорија што ја застапуваат неговите биографи Steven Naifeh и Gregory White Smith дека смртта на Ван Гог била предизвикана од палавоста на постимпресионистичкиот сликар, наспроти тврдењето за суицидноста. Премиерата на „At Eternity’s Gate“ се одржа лани, на 3 септември, во рамките на 75-тиот Венециски филмски фестивал, каде што Willem Dafoe беше прогласен за најдобар актер. Шеесет и тригодишниот Американец беше номиниран и за Оскар и за Златен глобус. Жанр: Биографска драма Глумци: Willem Dafoe, Rupert Friend, Mads Mikkelsen, Mathieu Amalric, Emmanuelle Seigner, Oscar Isaac Режија: Julian Schnabel |
ТОП НОВОСТИ
