| ЧИТАЈ | СЛУШАЈ | ГЛЕДАЈ |
| „СОПРУГА НА ХАРТИЈА“ ЛАЈЛА ИБРАХИМ |
„10 YEARS – THE BESТ OF“ IL VOLO |
„TOLKIEN“ (ТОЛКИН) |
 |
 |
 |
| Jужна Кина, 1923 година. Очајни да ѝ обезбедат иднина, родителите на Меј Линг договараат нејзин брак со вдовец кој живее во Калифорнија. За да влезе во земјата, Меј Линг мора да се преправа дека е првата сопруга на својот сопруг – сопруга на хартија.
За време на опасното патување, Меј Линг прима под своја закрила девојче – сирак по име Сју. Соништата за подобар живот во Америка ѝ даваат сила на Меј Линг да ги издржи мачното патување и држењето во изoлација на островот Енџел. Но, кога конечно ќе стигне во Сан Фран-циско ја чека изненадување… |
Oсвен со турнеи во Јапонија (што започна во мај), во Латинска Америка (октомври) и во Јужна Америка (што ќе започне на 28 јануари), десетгодишнината од формирањето на италијанското трио се одбележува и со издавање цеде, насловено „10 Years – The Best of“, на кое се наоѓаат деветнаесет песни снимени во студио и во живо, на концертот во Мадера што се одржа во јуни годинава, кои ги од- бележаа изминатите десет години од нивното постоење: „Il Mondo“, „’O Sole mio“, „Surrender“, „Smile“, „Caruso“, „Un amore cosi’ grande“, „Granada“, „My Way“, „Grande amore“, „Nel blu, dipinto di blu“, „Turandot: Nessun Dorma“, „La Traviata – Libiamo ne’lieti calici“, „People“, „Arrivederci Roma“, „Musica che resta“, „O Holy Night“, „A chi mi dice“, „El triste“, и „Be My Love“. Групата ја сочинуваат Piero Barone, Gianluca Ginoble и Ignazio Boschetto. Досега имаат настапувано со Барбара Стрејсенд и со Пласидо Доминго. | Fилмот е снимен по сценарио на David Gleeson и Stephen Beresford, а дејството е сосредоточено на годините во кои Џ. Р. Р. Толкин се формирал како писател и како тие влијаеле на книгите што ги напишал, т.е. ги обележале. Почнувајќи од школските денови на авторот, кога ги запознал своите најблиски пријатели, Толкин го води патот во Првата светска војна, кога „дружината“ школски пријатели, всушност, се соочила со целосно уништување… Тој е автор на „The Hobbit“ и „The Lord of the Rings“. Филмот премиерно беше прикажан на 3 мај во Велика Британија и на 10 мај во САД, каде што се снимаше со буџет од дваесет милиони американски долари. „Толкин“ трае 112 минути.
Жанр: биографска драма Глумци: Nicholas Hoult, Lily Collins, Colm Meaney, Derek Jacobi Режија: Thomas „Dome“ Karukoski |
ТОП НОВОСТИ
