| ЧИТАЈ | СЛУШАЈ | ГЛЕДАЈ |
| „СЕ ГЛЕДАМЕ ВО АВГУСТ“ ГАБРИЕЛ ГАРСИЈА МАРКЕС |
EVERYTHING I THOUGHT IT WAS“ JUSTIN TIMBERLAKE |
BOB MARLEY: ONE LOVE“ (БОБ МАРЛИ: ЕДНА ЉУБОВ) |
 |
 |
 |
| Изгубениот“ Роман на нобеловецот Габриел Гарсија Маркес „Се гледаме во август“, излезе од печат на неговиот роденден (6 март), истовремено во повеќе од 30 земји во светот. Кон крајот на својот живот, авторот работеше на оваа книга додека истовремено се бореше со деменцијата. Во неговите последни денови, тој одлучи дека романот не треба да биде објавен по неговата смрт. Но, десет години потоа, неговите синови решија книгата сепак да биде отпечатена постхумно. Секој август, на точно определен датум, Ана Магдалена Бах заминува на островот каде што е погребана нејзината мајка со букет гладиоли. За време на овие патувања, макар на една ноќ, таа станува некоја друга, а нејзиниот внатрешен свет станува сосем поинаков, зашто „да се изгуби ноќта значи да се изгуби една година“… Напишан во заводлив, фасцинантен и препознатлив стил на Маркес, романот е вистинска химна на животот со многу лица, особено на љубовта со многу опачини. Во нејзината суштина, книгата говори меѓу другото и за илузијата, за скришното што си го доверуваме само себеси, не претпоставувајќи дека светот однапред го има средено сето тоа како наш запис, императив, како наша „опашка“ на предците, како продолжување на нешто што никогаш и не може да се скине, прекине.. | По шестгодишна пауза, откако во 2018-та го издаде „Man of the Woods“, американскиот кантавтор Џастин Тимберлејк, познат како принцот на попот, во средината на минатиот месец го промовираше својот нов студиски албум, шести по ред „Everything I Thought It Was“, во соработка со RCA Records, инаку сопственост на Sony Music Entertainment. Во 2023-та повторно се здружи со членовите на NSYNK за да ја снимат песната „Better Place“, поддржувајќи го саундтракот „Trolls Band Together“, но работеше и со Timbaland, Romeo Santos, Nelly Furtado, Jack Harlow, Calvin Harris. Откога завршија сите снимања со нив, на 19 јануари го објави трејлерот за новиот албум, најавувајќи го истиот. Во рекламирањето му помогна и колегата од „Reptile“ Benicio del Toro. Веднаш потоа, на јавноста ù беа претставени двата сингла: „Selfish“ (25 јануари) и „Drown“ (23 февруари). Насловот на албумот е инспириран од изјавата на еден негов пријател откако го слушнал: „Звучи како сè што сакав да чујам од тебе“. Останатите шеснаесет песни се насловени „Memphis“, „Fuckin’ Up the Disco“, „No Angels“, „Play“, „Technicolor“, „Liar“ (заедно со Fireboy DML), „Infinity Sex“, „Love & War“, „Sanctified“ (во друштво со Tobe Nwigwe), „My Favorite Drug“, „Flame“, „Imagination“, „What Lovers Do“, „Alone“, „Paradise“ (заедно со NSYNK) и „Conditions“. | Премиерата на филмот се одржа на 23 јануари во Carib Theatre (Carib 5) на Јамајка, родната земја на Боб Марли. Жанровски, се работи за драма која е базирана врз животот на познатиот регепејач и текстописец, од неговиот подем, силен развој на уметничката кариера чиј зенит го достигна во средината на 1970-тите, до неговата смрт во 1981-ва, кога имаше само 36 години. Освен што е потпишан како режисер, Reinaldo Marcus Green е и автор на сценариото, покрај Terence Winter, Frank E. Flowers и Zach Baylin. За време на оружените конфликти во неговата родна земја, Боб го најавил своето учество на „Smile Jamaica“ во главниот град со цел да издејствува склучување примирје меѓу завојуваните страни, фракции. Додека се подготвувале за концертот, пејачот и неговата сопруга, заедно со уште неколку членови на групата, биле застрелани. Веднаш ги хоспитализирале, по што и закрепнале да настапат. По изведбата, на присутните им ги покажал раните од куршумите, жалејќи што некои од неговите сонародници пробале да го убијат. Рита со децата и мајка му ја праќа во САД, а тој заминува во Лондон, во друштво со другарите од бендот… Жанр: биографски, драма, музички Актери: Kingsley Ben-Adir, Lashana Lynch, James Norton Режија: Reinaldo Marcus Green |
ТОП НОВОСТИ
