| ГЛЕДАЈ | СЛУШАЈ | ЧИТАЈ |
|
„PERSUASION“ |
„THE STORM BEFORE THE CALM“ ALANIS MORISSETTE |
„ПОСЛЕДНАТА ОД ДЕВОЈКИТЕ МЕСЕЧИНИ“ БАРБАРА ДЕЈВИС |
 |
 |
 |
| Промоцијата на драмата во продукција на MRC се одржа летово, на почетокот, а дистрибуцијата е обврска на Netflix. Американскиот филм се базира на истоимената новела од 1817-та, инаку авторско дело на Џејн Остин. Исто како новелистката, Британка е и режисерката Carrie Cracknell. Сценариото, пак, е потпишано од Ron Bass и Alice Victoria Winslow, а музиката од Stuart Earl. Приказната сигурно ќе ве разоноди во летното време, па и ќе ве инспирира од причина што драмата е всушност испреплетена со романтика, од почеток до крај. Имено, се работи за Anne Elliot (Dakota Johnson), која осум години по разделбата со љубовта на нејзиниот живот, Captain Frederick Wentworth (Cosmo Jarvis), заради убедувањето на блиските дека не е за неа, поради тоа што му припаѓа на друг сталеж, чие потекло не е благородничко, го среќава повторно. Дилемата е дали да му се врати, да ја искористи втората шанса и засекогаш да се тргне од стегите на патријархалното семејството со кое господари Mr. Elliot (Henry Golding). • Жанр: драма Актери: Dakota Johnson, Cosmo Jarvis, Henry Golding, Richard E. Grant, Nikki Amuka-Bird, Mia McKenna-Bruce Режија: Carrie Cracknell. |
Кантавторката, родум од Канада, со американско државјанство, се занимава и со актерство, а музичката кариера ја започна во 1990-те, кога се стекна со огромна популарност. „The Storm Before the Calm“ е нејзиниот десетти студиски албум што излезе минатиот месец, на 17-ти, благодарејќи на соработката со Thirty Tigers и RCA Records. Албумот е медитативен, таков е карактерот на музиката, песните кои едновремено се и амбиентални, а ни- вен коавтор и продуцент е Dave Harrington (инструменталист со префиксот „мулти“), инаку член на дуетот Darkside, познат по електронската музика. „The Storm Before the Calm“ е присутен и на апликацијата за медитација Calm, а може да се нарача и онлајн. Се разбира, неговата промоција имаше претходник, синглот „Safety – Empath in Paradise“ (мај). Останатите песни се: „Light – The Lightworker’s Lament“, „Heart -Power of a Soft Heart“, „Explore – The Other Side of Stillness“, „Space – Pause on Violence“, „Purification – The Alchemical Crunch“, „Restore – Calling Generation X“, „Awakening – In Between Thoughts“, „Ground – I Want to Live“, „Mania – Resting in the Fire“ и „Vapor – Amplified in Stillness“. Музичките критичари се поделени. На пример, критиката во The Times е поприлично жестока, спротивно на специјалистите за медитација кои се воодушевени од албумот. |
Бестселерот на топ-листите на „Амазон“, „Последната од девојките Месечини“ од Барбара Дејвис, е роман за љубовта, загу- бата, семејните тајни, сеќавањата и просту- вањето. Приказната се движи околу Лизи Месечи- на – последната од девојките Месечини кои имаат посебна дарба. Лизи никогаш не ја сакала фармата на девојките Месечини. Пред осум години ја напуштила земјата за која се грижеле девет генерации надарени исцелителки, решена да се дистанцира од гласиштата за чудното наследство на нејзината фамилија. Но, кога ќе почине нејзината сакана баба Алтеа, Лизи мора да се врати и да се соочи со трагедијата што виси над исушените полиња со лаванда: нерешените убиства на две млади девојчиња и грубите обвинувања што ја следеле Алтеа до нејзиниот гроб. Лизи не сака ништо друго освен да ја продаде фармата и да се врати на својот живот во Њујорк, сè додека не го открие дневникот што Алтеа го оставила за неа – Книгата на спомените што треба да й помогне на Лизи да ги прифати своите специјални дарби. Кога повторно ќе се поврзе со Ендру Грејсон, еден од ретките во градот кој верувал во невиноста на Алтеа, таа решава да го исчисти името на нејзината баба. За да го стори тоа, таа треба да реши дали може да го прифати нејзиното наследство и дали ќе ги следи стапките на сите девојки Месечини пред неа. |
ТОП НОВОСТИ
