| ЧИТАЈ | СЛУШАЈ | ГЛЕДАЈ |
| „ПАРИСКАТА БИБЛИОТЕКА“ ЏЕНЕТ СКЕСЛИН ЧАРЛС |
„SURROUNDED BY TIME“ TOM JONES |
„JUDAS AND THE BLACK MESSIAH“ (ЈУДА И ЦРНИОТ МЕСИЈА) |
 |
 |
 |
| Париската библиотека“ е интересна и возбудлива приказна, полна со љубов и драма, тажни и среќни човечки судбини. Се работи за дело посветено на љубовта, пријателството, семејството и моќта на книжевноста, кое ги испитува последиците на нашите избори и односи што нè одредуваат. Годината е 1939-та, а местото е Париз. На младата, убава и амбициозна парижанка Одил Суше сè ù оди од рака: ја добива својата работа од соништата во Американската библиотека во Париз и почнува љубовна врска со згодниот и либерален полицаец Пол, кој ја сака и ги поддржува нејзините соништа и амбиции. Но, Германија секавично напредува во војната, а Париз е под опсада и преполн со нацистички војници. Сè што на Одил ù е драго, вклучувајќи ја и Американската библиотека, може да исчезне секој момент.
Годината е 1983-та, а местото е малото гратче Фројд во Монтана. На тинејџерката Лили ништо не ù оди од рака. Непопуларна е на училиште, не може да го освои момчето кое го посакува, а мајка ù одеднаш тешко се разболува. Но, тука е нејзината софистицирана и образована сосетка со странско потекло со која полека се зближува. Таа со нејзиниот ум и со нејзиното однесување отскокнува од здодевното секојдневие на малиот град, а нејзиниот живот и минатото се обвиткани со мистерија и тајни. Лили не знае колку тие тајни засекогаш ќе ù го сменат животот. |
Иако Велшанецот наполни 81 година (7 јуни), очигледно дека е неуморен кога станува збор за неговата работа – пеењето. На 23 април го издаде својот четириесет и прв студиски албум (во форма на ЦД, 12-инчен црн винил и касета), благодарејќи на EMI Records, одговорен за меѓународна промоција и нејзино дистрибуирање, и на S-Curve Records што ја покрива територијата на САД. Го продуцираше Ethan Thomas Robert Johns. Ова е нивна четврта соработка, започнувајќи од 2009 год.
Критиките се воглавном позитивни, со пофалби за вокалот, без оглед на возраста, и за изборот на песни. Највисоко се котира на топ-листите во Британија каде што истовремено е прогласен и за најстар маж чиј албум освоил прво место кога било, а се вбројува и меѓу дваесет и петте најдобри во пет други земји. Како што е вообичаено, и нему му претходеа неколку синглови: „Talking Reality Television Blues“ (15 јануари), „No Hole in My Head“ (27 јануари), „One More Cup of Coffee“ (18 март) и „Pop Star“ (9 април). Останатите песни се: „ I Won’t Crumble with You If You Fall“, „The Windmills of Your Mind“, „I Won’t Lie“, „This Is the Sea“, „Samson and Delilah“, „Ol’ Mother Earth“, „I’m Growing Old“ и „Lazarus Man“. Јапонската едиција има бонус – „It’s Not Unusual“. Албумот може да се купи во е-продавница, како на пример Амазон, и чини 11,99 долари. |
Јudas and the Black Messiah“ е американска биографска, историска драма чија премиера се одржа на 1 февруари, во рамките на 2021 Sundace Film Festival, а Warner Bros Pictures во САД ја промовира на 12 февруари, истовремено во кината и дигитално, на HBO Max.
Филмот е, всушност, приказна за издајството, предавството на Fred Hampton (неговиот лик го игра Британецот Daniel Kaluuya), водачот на политичката странка, т.е. партијата Black Panther во Илиноис на крајот на 1960-тите, од страна на William O’Neal (неговиот лик го игра Американецот Lakeith Stanfield). Имено, тој веднаш по договорот со ФБИ ќе се инфилтрира во политичката странка, која дејствува во Илиноис, за да ги собере потребните информации за нејзиниот водач. Критичарите ја пофалија режијата на Shaka King, глумата на Kaluuya и на Stanfield и темата што се обработува во драмата. Шесте номинации за Оскар на 93-rd Academy Awards, вклучително и неколкуте награди (78-th Golden Globe Awards, 26th Critics’ Choice Awards, 27th Annual Screen Actors Guild Award и 74-th British Academy Film Awards), се уште една потврда за нејзиниот квалитет и, секако, дополнителна причина да се гледа. Жанр: биографска, историска драма Глумци: Daniel Kaluuya, Lakeith Stanfield, Jesse Plemons, Dominique Fishback, Ashton Sanders, Darrell Britt-Gibson, Lil Rel Howery, Algee Smith, Dominique Thorne, Martin Sheen Режија: Shaka King |
ТОП НОВОСТИ
