| ЧИТАЈ | СЛУШАЈ | ГЛЕДАЈ |
| „НОЌИ НА ЧУМА“ ОРХАН ПАМУК |
RELENTLESS“ THE PRETENDERS |
THE POT-AU-FEU“ (СТРАСТА НА ДОДИН БУФАН) |
 |
 |
 |
| Ноќи на чума“ е долгоочекуваниот роман од најпознатиот современ турски писател Орхан Памук. Во книгата, која Памук ја пишувал пет години (од 2016-та до 2021-ва), вешто се проткаени историјата и фикцијата, при што на читателот, од една страна, му се оневозможува да ја најде границата што е вистина, а што не; но од друга страна, му носи чудесна возбуда за недобројните лица на многуте можни вистини, во минатото, во сегашноста и во иднината. Во пролетта 1901-ва избива епидемија на чума на островот Мингерија, 29. провинција на Османлиското Царство и султанот Абдулхамид ги праќа првин главниот здравствен инспектор Бонковски-паша, а потоа и младиот и успешен доктор Нури, за да ја запрат чумата. Вака почнува романот и продолжува со многу писма, љубови, интриги, страдања, со многу политика натопена во иронија и пародија. Раскошен, повеќеслоен роман со минуциозно претставување на историјата на еден незнаен остров… Орхан Памук е најпознатиот современ турски писател, добитник на Нобеловата награда за литература во 2006-та. Неговите дела се занимаваат со соочувањата помеѓу Истокот и Западот, со проблемите на уметноста и на идентитетот, а честопати се споредувани со оние на Џојс, Набоков и Маркес. | По повод 45-годишнината од неговото формирање, англо-американскиот бенд чија рок-музика беше синоним за трансгресија, револт кај младите, неодамна го промовираше својот дванаесетти студиски албум, во соработка со Parlophone (прва засега). На „Relentless“ му претходеше синглот „Let the Sun Come In“, кој пред јавноста беше претставен во мај, на 11-ти. Утредента ја почна и турнејата низ Велика Британија и Северна Ирска, промовирајќи го истиот. Автори на дванаесетте песни се Christine Ellen Hynde и James Walbourne, кои одлично функционираат и на далечина (таа живее во Америка, тој во Англија). Заедно работеа и на „Hate of Sale“ (2020-та). Инаку, албумот е снимен во Battery Studios (западен Лондон), продуциран од Велшанецот David Wrench. Освен членовите на бендот, во снимањето на „Relentless“ беше вклучен и Carwyn Meurig Ellis (клавијатура, гитара) и Kristopher Sonne (тапани) и Chris Hillman (контрабас) и Dave Page (бас). За потребите на песната „I Think About You Daily“ (последна, дванаесетта по ред) се ангажирани и неколкумина гудачи со кои управуваше, т.е. диригираше Jonathan Richard Guy Greenwood, членот на Radohead. Останатите десет песни се „Losing My Sense of Taste“, „A Love“, „Domestic Silence“, „The Copa“, „Promise of Love“, „Merry Widow“, „Look Away“, „Your House Is on Fire“, „Just Let It Go“ и „Vainglorious“. | Премиерата на романтичната историска драма се одржа на 24 мај, во рамките на 76. Кански филмски фестивал каде што натурализираниот Французин (Виетнамец по потекло) Trần Anh Hùng освои „златна палма“ за режија. И покрај тоа што филмот веќе го има на интернет, во киносалите ќе почне да се прикажува на почетокот од ноември, на 8-ми. Настаните во „The Pot-au-Feu“ се одвиваат во 1885-та, прикажувајќи ја романсата, љубовната врска меѓу готвачката Евгенија (Juliette Binoche) и гурманот Додин Буфан (Benoît Magimel) за кој всушност и работи. Неговиот лик е фиктивен, измислен од Marcel Rouff – главниот јунак во новелата „La vie et la passion de Dodin-Boffant, Gourmet“, првпат објавена во 1924-та и секако, посветена и на неговиот пријател Curnonsky и на големиот француски гастроном JeanAnthelme Brillat-Savarin од 19 век. Без оглед на заедничката страст, љубовта кон готвењето, цели дваесет години, вклучително и романсата, слободољубивата Евгенија никогаш не се омажила со Додин. Таа била причината поради која Буфон и готвел, само за неа. Жанр: романтична историска драма Актери: Juliette Binoche, Benoît Magimel Режија:Trâ n Anh Hùng |
ТОП НОВОСТИ
