| ЧИТАЈ | СЛУШАЈ | ГЛЕДАЈ |
|
„НЕВИДЛИВИОТ ЖИВОТ |
HIGHER“ MICHAEL BUBLÉ |
„AGAINST THE ICE“ (ПРОТИВ МРАЗОТ) |
 |
 |
 |
| Историско-фантастичниот роман „Невидливиот живот на Ади Лару“ е горко-слатка љубовна приказна, но и омаж на уметноста и на уметничката инспирација. Со фаустовски заплет и промислувања за моралот и смислата на животот, овој роман ги надминува границите на жанрот фантастика и со надвременската убавина на класиците гарантира задоволство при читањето на секој што ќе посегне по него. Приказната почнува во Франција во 1714 година. Ади Лару сака само едно: да се ослободи од оковите на животот во провинција за да може сама да господари со својата судбина. Во момент на очај таа се спогодува со ѓаволот, кој за возврат и ветува слобода и вечна младост. Но, цената за тоа е висока; секого кого ќе го сретне, набргу ја заборава. И така младата жена почнува патување низ вековите што ја носи на различни места од европската историја, спознавајќи ја притоа тенката граница меѓу осаменоста и малодушноста. Ади Лару се обидува да остави трага во времето и просторот, во историјата на уметноста: таа е позната муза на старите мајстори, безимена убавица во песните на големите поети. Триста години подоцна, Ади во една книжарница во Њујорк запознава момче кое ќе ја запамети… | На 25 март годинава, пејачот Michael Bublé го издаде својот деветти студиски албум, насловен „Higher“, а го публикуваше „Reprise Records“, издавачката куќа од 1960-те, чиј основач е Френк Синатра. Инаку, четириесет и шестгодишниот Канаѓанец има хрватски, поточно истарски корени. Оттаму се всушност неговите сродници, т.е. предците од татковата страна. Од 2005-та е присутен во музичкиот свет, а благодарејќи на првиот албум „It’s Time“ го привлече вниманието на публиката во сите континенти, буквално. Вториот албум „Call Me Irresponsible“ ја потврди успешноста, но и секој нареден. Конечно, паузата од четири години (во 2018-та го издаде „Love“) ја прекина со „Higher“ на чие издавање му претходеа сингловите „I’ll Never Not Love You“ (28 јануари), „My Valentine“ (11 февруари, автор е Пол Макартни), како и насловниот (10 март). Потписот на пејачот е ставен и на текстовите и на музиката, со неговите соработници. Десетте останати песни во албумот се „A Nightingale Sang in Berkeley Square“, „Make You Feel My Love“, „Baby I’ll Wait“, „Crazy“ (со Willie Hugh Nelson), „Bring It On Home to Me“, „Don’t Get Around Much Anymore“, „Mother“, „Don’t Take Your Love From Me“, „You’re My First, My Last, My Everything“ и „Smile“. | Светската премиера се одржа во февруари, на 15-ти, во рамките на 72 Меѓународен филмски фестивал во Берлин, а Netflix почна да го емитува на 2 март. Се работи за приказна во чија вистинитост не може да се посомнева никој затоа што е раскажана од Ejnar Mikkelsen во „Two Against the Ice“ (Двајца против мразот). Филмот жанровски е историска драма со авантуристички елементи, а дејството се одвива на Гренланд во 1909 година. Всушност, Ejnar Mikkelsen бил еден од членовите на поларната експедиција од скандинавската земја Данска, кој заедно со Iver Iversen се изгубил за време на истражувачката работа. Нивните лични, необични преживувања се прикажани во „Against the Ice“ на поинаков начин, без напнатост, преку сценариото на Nikolaj Coster-Waldau и Joe Derrick, акцентирајќи ја љубовта и пријателството . Критиките за филмот се поделени, а многумина го фалат глумењето на главните актери. Филмот е снимен и во Исланд, покрај Гренланд. • Жанр: авантуристичка, историска драма Актери: Nikolaj Coster-Waldau, Joe Cole, Heida Reed Режија: Peter Flinth |
ТОП НОВОСТИ
