„Елис“, „ексиж“, „евора“, „евија“, и сега на крај „емира“. Тоа се лотусовите имиња на малите двоседи во неговото не баш големо семејство. Така и треба да биде бидејќи Лотус е специјализиран за конструирање исклучиво спортски купе автомобили. Кај него нема каравани, комбиња и слични нешта, исклучиво двоседи во спортско пакување.
Сегашнава состојба е многу занимлива затоа што моделот кој допрва треба да биде претставен е последниот што во себе ќе има мотор со внатрешно согорување, а потоа автомобили исклучиво на струја. Во меѓувреме може некој хибрид да залета, но засега Лотус е категоричен и вели ќе конструира купе автомобили задвижувани од електромотори.
Моделот „емира“ најверојатно ќе има во себе V6 мотор со турбо компресор и зафатнина околу 3,0 литри, ќе биде правен на лесна алуминиумска шасија наречена елементал и според сегашните најави на одговорните, Лотус ќе тргне во офанзива затоа што тимот е подготвен годишно да произведува 5.000 и повеќе илјади примероци, од досегашните околу 1.500. Во натамошниот план се спомнуваат продажни бројки поголеми од тие на Ферари, дека тоа е така потврдува и сопственикот Гили, кинески автомобилски гигант, кој дополнително ќе вложи во иднината на оваа марка. За планот да успее и семејството да биде побогато со модели, наскоро, некаде во втората половина од годинава ќе бидеме сведоци и на првиот лотусов модел за забава, односно „сув“ возило
ТОП НОВОСТИ
