| ЧИТАЈ | СЛУШАЈ | ГЛЕДАЈ |
| „ЛЕТО КАКО ВО ‘МАМА МИА’ “ ЕНИ РОБЕРТСОН |
„THE STUDIO ALBUMS“ ABBA |
„MULAN“ (МУЛАН) |
 |
 |
 |
| За сите обожаватели на музиката на „АББА“ и на филмот „Мама миа“, од печат излезе романот „Лето како во „Мама миа“ од Ени Робертсон. Приказната во книгата се движи околу Лорел, која не ризикувала никогаш во животот. Сепак, како што се приближува летото, решена е да го направи она што никој не би го очекувал од неа. Инспирирана од музиката од омилената група „АББА“ и уште поомилениот филм „Мама миа“, го зема пасошот и се качува на лет за грчкиот остров Скопелос, кој се наоѓа на западниот дел од Егејското Море, подготвена да доживее летна авантура. Со звукот на брановитe, опкружена со прекрасни предели, Лорел го истражува островот и ужива во дружењето со ексцентричната сопственичка на шармантната вила во која е сместена. Волшебните зајдисонца, остриот вкус на виното, мирисот на морето, преубавите плажи: сето тоа и прираснува за срце. Меѓутоа, кога ќе се наметне прашањето за враќање во Лондон, ќе мора да донесе важна одлука… | Сетот, кој содржи осум цедеа, на еден од најпопуларните бендови на светската музичка сцена ќе излезе во продажба на 3 јули, како своевиден „подарок“ за неговите обожаватели. Ќе чини 128 евра. Шведскиот квартет одлучи да го издаде овој сет од осум цедеа (студиски албуми) за да ја одбележат претстојната четирие- сетгодишнина од издавањето на последната грамофонска плоча во 1981 година – „The Visitors“. И песните што се наоѓаат на останатите седум цедеа беа големи хитови во текот на седумдесеттите, почнувајќи од 1973 год., и почетокот на осумдесеттите години од минатиот век. Првиот лонг-плеј беше насловен „Ring Ring“, а потоа следуваа „Waterloo“ (1974 г.), „ABBA“ (1975-та), „Arrival“ (1976 год.), „ABBA the Album“ (1977 г.), „Voulez Vous“ (1979-та), „Super Trouper“ (1980 год.). Интересно е тоа што песните на шведската четворка се слушаат и денес, а освен возрасните, ги пеат и младите, кој во времето на нивното „владеење“ не биле ни родени. Групата остави трајни белези на поп-музиката пред четириесетина години, па и повеќе. | Режисерот на „Whale Rider“ и „North Country“, по долготрајна, петнаесетгодишна пауза, се врати во филмската „индустрија“ со најновото остварување – „Мулан“, во продукција на Walt Disney Pictures. Сценариото е на Rick Jaffa, Amanda Silver, Lauren Hynek и Elizabeth Martin. Акци- оната драма се базира на истоимената балада и е адаптација на анимираниот филм од 1998-та. Се снимаше во Кина и во Нов Зеланд, а Liu Yifei беше избрана во конкуренција од илјада актерки, кои дојдоа на аудицијата. Станува збор за високобуџетно остварување од двесте милиони долари, каде што се зборува за младата Хуа Мулан, најстарата ќерка на болниот кинески воин, која се пријавува да служи војска во империјалната армија, претставувајќи се како негов син.
ЖАНР: акциона драма ГЛУМЦИ: Liu Yifei, Donnie Yen, Jason Scott Lee, Yoson An, Gong Li, Jet Li РЕЖИЈА: Niki Caro |
ТОП НОВОСТИ
