| ЧИТАЈ | СЛУШАЈ | ГЛЕДАЈ |
| „КНИЖАРОТ ОД КАБУЛ“ ОСНЕ СЕЈЕРШТАД |
„PHOENIX“ RITA ORA |
„THE COMMUTER“ (ПАТНИКОТ) |
 |
 |
 |
| Во текот на пролетта (2003 г.), по падот на талибанците, Осне Сејерштад престојуваше кај семејството Кан во Кабул. Книгата, всушност, е впечатлив запис, белешка за времето што една Европејка го минала во скромната куќа на тринаесетчлено то семејство, кое се обидува да го најде своето место во „новиот“ Авганистан, некаде помеѓу тоа што е модерно, современо и традиционално. Дваесет години книжарот Султан им пркосел на властите, набдувајќи ги жителите на Кабул со книги, кои се читале тајно. Го апселе комунистите, гледал неписмени талибански милитанти како ги палат на улиците… Резервите ги криел во таваните низ целиот град. Но, без оглед на љубовта кон пишаниот текст, презирот кон цензурата, тој е сепак фанатичен муслиман кога се работи за семејството, што може да се види од незаобиколната потреба за две жени. Ова е приказна за забранетата љубов, спогодбените бракови, престапите, казните, побуната на младите, за строгата „дисциплина“ во животот. |
Вториот студиски албум на 28-годишната британска пејачка (родум од Приштина) Рита Ора излезе на крајот на ноември, со „митолошки“ наслов – „Феникс“. Го продуцираше „Atlantic Records UK“. Дебитантскиот албум го издаде во август 2012-та. Во продажба се пуштени три верзии, односно едиции: стандардна, јапонска и Deluxe. Стандардниот „Феникс“ има 12 нумери – Anywhere, Let You Love Me, New Look, Lonely Together (како гостинка на „Avicci“), Your Song, Only Want You, First Time High, For You: Fifty Shades Freed (со Liam Payne), Summer Love (со „Rudimental“), Girls (во друштво со Cardi B, Bebe Rexha и Charli XCX), Keep Talking (со Julia Michaels) и Hell of a Life. Во Deluxe- от се наоѓаат и Velvet Rope, Falling to Pieces, Cashmere и Soul Survivor, додека во јапонската верзија има и два препеви, на Anywhere (со „R3HAB“) и на Let You Love Me (со „Möwe“). Taa им припаѓа на неколкуте авторски екипи, кога се текстовите во прашање, кои учествуваа во подготовката на албумот. |
Mајкл е семеен човек, осигурител (поранешен полицаец) чие секојдневно патување на работа станува рутинско. И враќањето дома, се разбира. Но, едно попладне, вообичаеното патување со воз се претвора во кошмар. Тој мора да го дознае, открие идентитетот на мистериозниот убиец пред да стигне на последната станица. Додека времето „работи“ против него, Мајкл сфаќа дека смртоносната игра е во тек, дека минутите му се одбројуваат и нему, но и на останатите патници бидејќи несвесно станале дел од заговорот на криминалното подземје што можа да ги „чини“ живот или смрт. Филмот е, всушност, адаптација на текстот чии автори се Byron Willinger и Philip de Blasi. Буџетот за снимање изнесуваше четириесет милиони американски долари. Жанр: Драма Глумци: Liam Neeson, Vera Farmiga и Patrick Wilson Режија: Jaume Collet-Serra |
ТОП НОВОСТИ
