| ЧИТАЈ | СЛУШАЈ | ГЛЕДАЈ |
| „СТО И ЕДЕН ДЕН“ ОСНЕ СЕЈЕРШТАД |
„GLOW“ (DELUXE) BRETT ELDREDGE |
„MADEMOISELLE PARADIS“ (ГОСПОЃИЦА ПАРАДИ) |
 |
 |
 |
| Јануари, 2003 година. Осне Сејерштад влезе во Багдад со десетдневна виза. Остана повеќе од три месеци, известувајќи за текот на војната и по него… Делото „Сто и еден ден“, всушност, е нејзин убедлив извештај за градот под опсада и фасцинантен увид во животот на странскиот дописник, однатре. Меѓународно наградуваната писателка, авторката на „Книжарот од Кабул“, брилијантно ги пренесува деталите на фрустрациите и опасностите на кои се изложуваат новинарите во нивните обиди за откривање на вистината без оглед на моќната пропаганда. Истовремено, таа ги портретира и жителите на ирачката метропола, прикажувајќи го нивното секојдневие во сенката на постојаната опасност од напад. Нејзините страсни, ерудитивни мемоарски записи ја отсликуваат драмата, вклучувајќи ја и трагедијата, на стодневниот престој во градот зафатен со војна. |
Познатиот кантри-пејач, триесет и двегодишниот Американец Brett Eldredge, на 26 октомври го промовираше специјалното, Deluxe-издание на „Glow“, божиќниот албум што го издаде во 2016 год., збогатен со пет нови песни, најавувајќи ја празничната турнеја во Северна Америка, која е во тек. Вљубеникот во божиќните песни, освен „Let It Snow! Let It Snow! Let It Snow!“, „Baby, It’s Cold Outside“ (во дует со Meghan Trainor), „I’ll Be Home for Christmas“, „The Christmas Song“, „Silent Night“, „Glow“, „Winter Wonderland“, „O Holy Night“, „Have Yourself a Merry Little Christmas“, „It’s Beginning to Look a Lot Like Christmas“, „The First Noel“, „White Christmas“, „The First Noel“ (а капела), на новиот албум ги пее и „Do You Hear What I Hear?“, „Silver Bells“, „Sleigh Ride“, „A Holly Jolly Christmas“ и „Christmas Time Is Here“. Неговите изведби, (студиски и во живо), се достапни и на интернет. | Дејствието на филмот се случува во осумнаесеттото столетие, во австриската метропола – Виена, базирано на вистинит настан, за животот на талентираната пијанистка, инаку блиска пријателка на Моцарт, Марија Тереза фон Паради, која ослепела во раното детство. Татко ѝ, во очајничкото настојување да пронајде лек за ќерка си, ја препушта на д-р Франц Антон Месмер, чии прогресивни идеи, поврзани со магнетизмот, постепено, но сигурно ќе ѝ помогнат да прогледа. Сепак, чудотворното исцелување има своја цена – напоредно се губи нејзиниот музички талент. Мадмазел Паради мора да одлучи, или обичен живот на светлина или виртуозни изведби во мрак. Автор на музиката е Lorenz Dangel. Жанр: Историска драма Глумци: Maria Dragus, Devid Striesow, Lukas Miko Режија: Barbara Albert |
ТОП НОВОСТИ
