EURO NCAP ГИ ОБЈАВИ БЕЗБЕДНОСНИТЕ ОЦЕНУВАЊА НА ЧЕТИРИ НОВИ ВОЗИЛА. ДВА КОМПАКТНИ SUV-A, MERCEDES BENZ GLB И MAZDA CX-30, КАКО И ПОГОЛЕМИОТ FORD EXPLORER HYBRID ИМ СЕ ПРИДРУЖИЈА НА ДРУГИТЕ ВОЗИЛА СО ПЕТ ЅВЕЗДИ ОД ОВАА ГОДИНА. СУПЕРМИНИТО НА OPEL / VAUXHALL, CORSA ДОБИ ЧЕТИРИ ЅВЕЗДИ.
Најдобар резултат од оваа рунда тестови, без двоумење имаше Mazda CX-30, полукомпактен кросовер помеѓу CX-3 и CX-5 кој доби 99% резулат за заштита на возрасните патници. Ова возило кое дели ДНК со претходно годинава тестираната Mazda 3 сега е на врвот на листата тестирани возила согласно новите протоколи 2018 / 2019 на Euro NCAP.
Mercerdes Benz уште еднаш понуди солиден модел за пет ѕвезди со новиот GLB компактен SUV. Во доста активна година за компанијата, GLB е шестото возило од Mercedes – Benz фамилијата кое е оценувано оваа година, и шесто кое ги добива максималните оцени. Ford Explorer со седум седишта, исто така, доби највицоки оцени. Последната верзија на овој голем off-roader, кој се продава во САД во различни форми веќе три децении, пристигнува во Европа во хибридна форма и перформира одлично во Euro NCAP тестирањата.
Супермини сегментот е под изразен притисок во последните години од страна на еколошките и безбедносните барања и промената на вкусовите на конзументите. Новата OPEL / Vauxhall Corsa постигна четири ѕвезди како и нејзиниот претходник во 2014 година. Сега како дел од PSA – FCA групацијата, Corsa дели многу карактеристики со Peugeot 208, кое, исто така, доби четири ѕвезди оваа година. Со перформанси над маргината за пет ѕвезди во три од четирите зони на тестирањето, Corsa ја пропушти генералната оцена од пет ѕвезди само за еден процентен поен во категоријата за Безбедносна Асистенција.
Мишел ван Ратинген, Генералниот Секретар на Euro NCAP, изјави, – Честитки за Mazda за уште еден скоро перфектен резултат во заштитата на возрасни патници. Имаме уште неколку возила кое треба да бидат тестирани до крајот на годинава, но не верувам дека ќе видиме подобар резултат во овој дел од оценувањето. Честитики, исто така, и за Ford и Mercedes-Benz за нивните пет ѕвезди. Euro NCAP сега се загрева за новите тестови во 2020 година, но ние сме убедени дека производителите ќе продолжат да ги нудат највискоте нивоа на заштита за своите корисници. За целосни резултати посетете ја: www.euroncap.com
ТОП НОВОСТИ
