| ЧИТАЈ | СЛУШАЈ | ГЛЕДАЈ |
| „ЕЛИНЕ ВЕРЕ“
ЛУИС КОУПЕРУС |
„GOING HOME“
ВЛАДИМИР ЧЕТКАР |
„THE PROFESSOR AND THE MADMAN“
(ПРОФЕСОРОТ И ЛУДАКОТ) |
 |
 |
 |
| Возбудливата, виртуелно раскажана приказна за Елине Вере се одвива во редовите на богатата буржоазија во Хаг, на крајот од 19 век. Неизбежно, судбината ја опфаќа слабата, премногу надарена и колеблива Елине, надарена девојка која не е во состојба да се приспособи на „баналниот живот“. Поради нејзиниот страв од реалноста, таа се губи себеси во сништата, во кои стравот уште поинтензивно ѝ се враќа назад. И судбината бавно, но сигурно ја покорува… На Коуперус може достојно да се гледа како на холански одговор на Оскар Вајлд – „Conjunctions“ (The forum for innovative writing). Маестрално набљудување на убавината и нелогичностите на романтичната љубов – Клер Кларк, „Times Literary Supplement“. Психолошко ремек-дело инспирирано од Флобер и Толстој – „New York Times“. | Третиот студиски албум на Владимир Четкар, кој долго време живее и твори во Њујорк, излезе годинава, на 15 март. Го продуцираше Harmonia Productions. Првиот („We Will Never End“) го издаде во 2008 год., а вториот („Heavenly“) во 2014г. Според првичните реакции, „Going Home“ ќе го привлече вниманието на јавноста исто како и претходните два. Критиките, т.е. рецензиите на „Giant Step“, Masaharu Yoshioka („The Soul Searcher“, Јапонија), „Patch Media“, Patrick Adams и на „Time Out New York“ предизвикуваат восхит. Албумот содржи девет нумери како „Come with Me“, „Jouride“, „Going Home“, „Jagula“, „Travel the World“, „Moonrise“, „Night Parade“, „Ocean of Love“ (House Lovers Remix) и „Outro“, со времетраење од 37 минути. Владимир Четкар, инаку познат композитор, гитарист, вокалист, аранжер, оркестратор и продуцент, ги соединува минатото, кога со музичкиот космос владееја „Chic“, „Earth Wind“ и „Fire“, сегашноста и иднината на џез, соул и фанки-музиката. |
Филмот се базира на бестселерот „The Surgeon of Crowthorne“ од 1998г., на Simon Winchester. Вистинитата приказна за генијалноста, лудилото и опсесијата на две исклучителни фигури – познатиот професор, сер James Murray, кој во 1857 год. почнал да собира материјал за издавање на Оксфордскиот англиски речник и W. C. Minor, докторот што му испратил 10.000 зборови, поими за речникот, додека се лекувал во психијатриската болница позната како Broadmoor Criminal Lunatic Asylum, го инспирира амeриканизираниот ирански режисер да го сними „The Professor and the Madman“ со буџет од 25.000,000 $ и да ни овозможи двочасновно уживање. Жанр: Драма/трилер Глумци: Mel Gibson, Sean Penn, Natalie Dormer, Eddie Marsan, Jennifer Ehle, Jeremy Irvine, David O’Hara, IoanGruffudd, Stephen Dillane, Steve Coogan Режија: Farhad Safinia |
ТОП НОВОСТИ
