| ЧИТАЈ | СЛУШАЈ | ГЛЕДАЈ |
| „ДРАГ ЕДВАРД“ ЕН НАПОЛИТАНО |
„EVERMORE“ TAYLOR SWIFT |
„DUNE“ (ДИНА) |
 |
 |
 |
| Драг Едвард“ од Ед Наполитано, која според „Њујорк тајмс“ и „Вашингтон пост“ е една од најдобрите книги во 2020 година, доби и македонски превод. Таа влезе и во потесниот избор во категоријата „фикција“ на изборот за најдобри дела во 2020 година на една од најпознатите светски веб-страници за книги „Гудридс“ (goodreads.com). Едно летно утро, дванаесетгодишниот Едвард Адлер, заедно со неговиот, родителите и уште 183 патници патуваат со авион од Њујорк до Лос Анџелес. Меѓу нив е и еден финансиски вундер-кинд, активен на Волстрит, млада дама која се соочува со несакана бременост, ранет авганистански ветеран, бизнис-тајкун и слободоумна жена која бега од својот маж. И тогаш-се урива авионот. Едвард е единствениот преживеан. Случајот на Едвард го привлекува вниманието на јавноста, но нему му е тешко да се соочи со загубата на семејството. Непрестајно чувствува дека душевниот мир го изгубил на оној судбоносен лет и дека неговата судбина засекогаш е врзана со авионот и со преостанатите патници… Фокусот во „Драг Едвард“ е ставен на внатрешниот живот на главниот протагонист и е повеќе- димензионален портрет на незаборавна група ликови и трогателна илустрација на различните начини на кои може да закрепне едно скршено срце. | Evermore е деветтиот студиски албум на триесет и едногодишната кантавторка од Америка, Taylor Swift, кој излезе на 11 декември 2020, во продукција на Republic Records, само неколку месеци (поточно пет) откако го промовираше Folklore. Всушност, Evermore е резултат од продолжената соработка на Taylor Swift и продуцентот на Folklore, Aaron Dessner, меѓу кои се појави креативна хемија, а кантавторката не можеше да престане да пишува дури и по објавата на последната песна од осмиот студиски албум. Затоа, Taylor Swift за Evermore вели дека е „сестрински албум“ на Folklore. Еvermore е комбинација на алтернативен рок, фолк-поп и камерен рок, што се карактеризира со „зимски“ аранжмани на класична гитара, пијано… Лирскиот дел се врти околу измислените и нефиктивни концепти на љубовта, бракот, неверството, тагата… Стандардната едиција содржи петнаесет песни, меѓу кои и „Willow“, „Champagne Problems“,„No Body, No Crime“ (со Haim), „Coney Island“ (со the National) и „Marjorie“. | Dune е филм чие прикажување во киносалите допрва претстои. Планирано е да се емитува од 1 октомври годинава, иако неговата премиера се одржа на крајот од 2020-та. Дотогаш може да се гледа и онлајн. Станува збор за меѓународна копродукција меѓу Канада, Унгарија, Велика Британија и САД. Негови сценаристи се Jon Spaihts, Denis Villeneuve (режисерот) и Eric Roth. Dune е, всушност, прва од планираните две адаптации на истоимениот роман од 1965 год. на Frank Herbert, што ја опфаќа првата половина од книгата. Филмот ја раскажува приказната за Paul Atreides (го игра Timothée Chalamet), водачот на номадските племиња, инаку син на благородничко семејство, во битката за контрола на пустинските дини на планетата Arrakis. • Жанр: авантура, драма, научна фантастика Актери: : Timothée Chalamet, Rebecca Ferguson, Oscar Isaac, Josh Brolin, Stellan Scarsgård, Dave Bautista, Stephen McKinley, Henderson, Zandaya, David Dastmalchian, Chang Chen, Sharon Duncan- Brewster, Charlotte Rampling, Jason Momoa, Javier Bardem Режија: Denis Villeneuve |
ТОП НОВОСТИ
