| ЧИТАЈ | СЛУШАЈ | ГЛЕДАЈ |
| „УПАТСТВО ЗА УПОТРЕБА НА КРЕАТИВНИОТ УМ“ – ДЕЈВ БИРС | „TIMELESS“ – IL DIVO | „BEL CANTO“ (БЕЛКАНТО) |
 |
 |
 |
| Креативноста е обвиена со толку голема мистика. На старите Грци тоа им било толку магично, што моментот на инспирација го препишале на музите, наместо на луѓето. Оваа книга ја открива креативноста како процес. Покажува дека пред да бидете погодени од молњата на креативниот гениј, треба да следите неколку чекори. Ви покажува како да ги подготвите вашите мисли за да дојдете до идеи. Исто така, таа ви нуди и одредени техники како помош при различните пристапи кон проблемите. Дејв Бирс е поранешен креативен директор во адвертајзинг. Сега го води ,,Адитив” (Additive), бизнис чија цел е да го инспирира и поттикне маркетинг светот. Тој, исто така, е и домаќин на подкастот ,,Фјучр оф адвертајзинг” („Future of Advertising“), држи говори на настани ширум светот, работи како ментор во ,,Скул оф комуникeјшн артс” (School of Communication Arts) и го дава својот „мозок“ под наем на компании што сакаат свежи идеи. Подготвува и други книги. |
Деветтиот студиски албум на Il Divo го продуцираше Шпанецот Алберто Квинтеро, со Decca Gold, во Universal Music Group. Вокалниот квартет, кој го сочинуваат Швајцарецот Улс Булер, Французинот Себастијан Изамбард, Шпанецот Карлос Марин и Американецот Дејвид Милер, ја пее и „Hola“ (4:50, сингл – 11 мај 2018 г.), шпанска верзија на „Hello“ на Адел, а на албумот се наоѓаат и „All of Me“ (4:54), „Angels“ (3:59), „Aquí Esperándote“ (4:04, сингл – 27 јули 2018 г.), „Toi Et Moi“ (3:54), „Grazie Amore Mio“ (4:08), „Que Bonito Es Vivir“ (2:31), „Love Me Tender“ (3:14), „Unforgettable“ (3:23, сингл – 3 август 2018 г.) и „Smile“ (3:25). Групата е формирана во декември 2003-та во Велика Британија. | Познатата уметничка, сопранистката Roxanne Coss (Julianne Moore) е поканета да настапува во јапонската амбасада во Перу, каде што, додека пее, напаѓаат бунтовниците и ја затвораат. Индустријалецот Katsumi Hosokawa (Ken Watanabe) е заљубен во нејзиниот глас и меѓу нив, во заточеништво, се раѓаат нежни чувства, љубовна врска. Вокалниот сегмент го снимила оперската пејачка Renée Fleming, чиј глас може да го препознаете и во „Господарот на прстените“ и во „The Hobbit“. Филмот се темели врз истоимената книга на Ann Patchett, објавена во 2001 година, инспирирана од вистинит настан во 1996 год., кога во неколкуте бранови киднапирања заточеници биле петстотини амбасадори, великодостојници…
Жанр: Драма/трилер
|
ТОП НОВОСТИ
