| ЧИТАЈ | СЛУШАЈ | ГЛЕДАЈ |
| „БРЕЗИТЕ ШТО ШУМЕА КРАЈ ТЕМЗА“ КАТЕРИНА СЕРАФИМОВСКА |
„PLANET HER“ DOJA CAT |
„JUNGLE CRUISE“ (КРСТОСУВАЊЕ НИЗ ЏУНГЛАТА) |
 |
 |
 |
| Едвард Лијам Адамски, 65-годишниот професор по книжевност со полско потекло, сместен во инвалидска количка, седејќи пред прозорецот во својата крајбрежна вила во Брајтон, Англија, им се навраќа на своите стари спомени. Дури четири децении наназад само за да ни ја раскаже приказната за младиот студент што една пролетна ноќ, во Лондон, имал среќа да ја запознае жената на својот живот – девојка од високата класа по име Емили Стоунбриџ. Двајцата млади писатели се впуштаат во бурна љубовна врска, исполнета со многу страст и поезија. Но тој сфаќа колку многу ја сакал Ема откако целосно ја изгубил, а таа отпатувала далеку, во Јужна Америка… Следува неговиот брак со нејзината родена сестра Беверли и нивната борба да добијат деца, но и сите други необични перипетии во неговиот живот, додека времето неповратно тече напред и ги носи водите на реката Темза, некаде далеку. Сепак, без оглед на потребите на своето семејство , неговата успешна кариера како професор на колеџот „Кингс“ во Лондон…тој никако не може да ги заборави посебните емоции што ги негувал исклучително кон Ема сè додека еден ден не открие дека има и возрасен биолошки син по име Рафаел Паз. |
На 25 јуни Amala Ratna Zandile Dlamini, позната како Doja Cat, дваесет и петгодишна aмериканска пејачка, раперка и кантавторка, која се занимава и со продукција, го издаде својот трет студиски албум насловен „Planet Her“, заедно со „Kemosabe Records“ и „RCA Records“. Нејзини гости се Young Thug, Ariana Grande, the Weeknd, JID и SZA. Во него доминира поп и аренби-музиката, вклучително и трапот (поджанр на хип-хопот). Насловот е даден по измислената планета на пејачката, каде што сите луѓе, без оглед на разликите (расни итн.), живеат во хармонија. Богатата визуелна имагинација е очигледна. Doja Cat вели дека овој албум е најубав досега, кога се во прашање визуелните сензации, акцентирајќи ја кохезијата бидејќи видеоспотовите се снимаат на различни локации на нејзината планета. Синглот „Kiss Me More“ (заедно со SZA) беше објавен на 9 април и се вброи меѓу првите пет на Billboard Hot 100 во САД, а голем успех постигна и во Канада, Велика Британија, Австралија. Потоа следуваше „Need to Know“, кој беше промовиран на 11 јуни, а „You Right“ со the Weeknd беше објавен на 25 јуни, заедно со албумот. Другите единаесет песни се: „Woman“, „Naked“, „Payday“ (со Young Thug), „Get Into It (Yuh)“, „I Don’t Do Drugs“ (со Ariana Grande), „Love to Dream“, „Been Like This“, „Options“ (со JID), „Ain’t Shit“, „Imagine“ и „Alone“. |
Иако премиерата ќе се одржи на 30 јули, критичарите веќе го гледаа и го препорачуваат за летово. Всушност, 158-минутниот американски филм е комбинација на фантастика и авантура, заснован врз приказната чии автори се Glenn Ficarra и John Requa, а атракцијата носи исто име како паркот на Walt Disney. Како сценарист е потпишан и Michael Green, покрај гореспоменатите двајца. Секако, продуцент е Walt Disney Pictures. Дејството е сместено на почетокот на дваесеттиот век. Капетанот, заповедникот на бродот, Frank Wolff (го игра Dwayne Johnson), ги води д-р Lily Houghton (Emily Blunt), која се занимава со научноистражувачка работа, а нејзиниот помлад брат McGregor (Jack Whitehall) е на крстосување низ џунглата, со цел да го најдат „дрвото на животот“ што има исцелителна моќ и може да се употребува и во актуелната современа медицина. Во текот на патувањето сите тројца се принудени да им се спротивстават на дивите животни, пеколните горештини, смртоносното опкружување и на конкурентската германска експедиција што е решена прва да го најде дрвото. Жанр: фантастичен, авантуристички филм Актери: Dwayne Johnson, Emily Blunt, Édgar Ramírez, Jack Whitehall, Jesse Plemons и Paul Giamatti Режија: Jaume Collet-Serra |
ТОП НОВОСТИ
