„БРАЧНИОТ ПОРТРЕТ“ МЕГИ О’ФЕРЕЛ-„BLUES DELUXE VOL. 2“ JOE BONAMASSA-„MAESTRO“ (МАЕСТРО)

07/12/2023

 

ЧИТАЈ СЛУШАЈ ГЛЕДАЈ
„БРАЧНИОТ ПОРТРЕТ“
МЕГИ О’ФЕРЕЛ
„BLUES DELUXE VOL. 2“
JOE BONAMASSA
„MAESTRO“
(МАЕСТРО)
Од авторката на бестселерот на „Њујорк тајмс“ романот „Хамнет“  книга за волшебната млада војвотка на Ферара, Лукреција де Медичи… Зима, 1561 година. Лукреција е однесена на неочекувана посета на селската вила на нејзиниот сопруг Алфонсо Втори д’Ест, војводата на Ферара. Додека вечераат во ледено студената сала, таа сфаќа дека Алфонсо има злобен план: да ја убие. За овој случај се знае мошне малку, а и тоа што се знае е многу тажно. Лукреција е родена во легендарното италијанско семејство во 1545 година. Инаку, една од нејзините сестри требало да се омажи за Алфонсо, но починала пред церемонијата. Нејзиното место го зазема Лукреција, секако. Таа имa 16 години и водела изолиран живот затворена во големата палата во Фиренца, чувана од војниците на татко й и дамите на мајка й. Меѓутоа, овде, во оваа оддалечена вила, таа е на милост и немилост на нејзиниот сè понепредвидлив сопруг. Што ќе направи Лукреција со ова ненадејно сознание? Кои се нејзините шанси против Алфонсо, владетел на провинција и обучен војник? Како да го обезбеди својот опстанок? „Брачен портрет“ е живописно потсетување на убавината и бруталноста на ренесансна Италија и на млада жена чија близина до моќта ја става во смртна опасно. Љубителите на блузот, музиката со меланхоличен призвук, од 6 октомври, кога е промовирано, имаат можност да уживаат во најновото цеде, шеснаесеттиот студиски албум (соло) на врвниот американски музичар, четириесет и шестгодишниот Џо Бонамаса  „Blues Deluxe Vol. 2“ чии песни се достапни и на интернет, благодарејќи на J&R Adventures, LLC во Северна Америка и Provogue Records во Европа. Цедето всушност е своевидно продолжение на оригиналниот „Blues Deluxe“ од пред 20 години. Сингловите „Twenty-Four Hour Blues“, „Well, I Done Got “, „I Want to Shout About It“ и „Lazy Poker Blues“ й претходеа на промоцијата, што е вообичаено. Другите 6 нумери се: „It’s Hard But It’s Fair“, „Win-O“, „Hope You Realize It (Goodbye Again)“, „You Sure Drive a Hard Bargain“, „The Truth Hurts“ и „Is It Safe to Go Home“, во времетраење од 42:33. Освен Џо, како продуцент се потпишува и Џош Смит. Обајцата сакале да видат колку напреднале во изминатите 20 години. Двајцата се гитаристи. Смит обзнани дека знаел веднаш што сака да постигне. Всушност, неговата цел била јасна уште на самиот почеток: фановите да го слушаат „стопроцентно природниот и опуштен Бонамаса“. Две песни се целосно авторски, а останатите се обработки на Алберт Кинг, Боби „Блу“ мек“. Критиките генерално се позитивни. Премиерата на американската биографска драма се одржа на 80-тиот Венециски филмски фестивал каде што се натпреваруваше за Златниот лав, на 2 септември. Овој месец ќе почне да се прикажува и во киносалите, а наредниот и на стриминг сервисот Нетфликс. Филмот инаку е сосредоточен на односот меѓу прочуениот композитор, Американецот Леонард Бернштајн и неговата сопруга, Костариканката Фелисија Монтеалегре. Го режираше Бредли Купер по сценариото кое го напиша заедно со Џош Сингер. Освен што ја игра улогата на композиторот (диригент, едукатор, пијанист, хуманитарец), се јавува и како продуцент, во друштво со Мартин Скорсезе, Стивен Спилберг и уште неколкумина. Споредните улоги им се доверени на Мет Бомер, Маја Хок и Сара Силвермен. Првично, биографската драма требало да ја режира Мартин Скорсезе, но поради „Ирецот“ се смениле работите. Наводно и Стивен Спилберг ја одбил понудата на Paramount Pictures заради „Ѕвездата е родена“. Во 2020-та обврската за снимањето ја презела Нетфликс. Повеќето критичари го препорачуваат филмот за дождливата есен.• Жанр:биографска драма Актери: Carey Mulligan, Bradley Cooper Режија: Bradley Cooper.

 

ПОВРЗАНИ СТАТИИ

Преглед на приватност

Оваа веб-локација користи колачиња за да можеме да ви го обезбедиме најдоброто можно корисничко искуство. Информациите за колачињата се зачувуваат во вашиот прелистувач и извршуваат функции како што се ве препознаваат кога ќе се вратите на нашата веб-локација и му помагаат на нашиот тим да разбере кои делови од веб-локацијата ви се најинтересни и корисни.