| ЧИТАЈ | СЛУШАЈ | ГЛЕДАЈ |
| „БЛАГОРОДНИЧКА“ ЖАН КЛОД ВАН РАЈКЕХЕМ И ПАТ ВАН БЕЈЕРС |
„15 BEST JAZZ SONGS“ | „MALEFICENT: MISTRESS OF EVIL“ (ГОСПОДАРКА НА ЗЛОТО) |
 |
 |
 |
| Mаргарет ван Мале е престолонаследничка на Фландрија и сонува за белиот витез кој ќе ја поведе кон замокот во облаците. Но, сите витези кои таа ги среќава се премногу будалести за нејзиниот силен карактер и нејзината темпераментна природа. И еден ден, нејзиниот татко решава со кого таа ќе се омажи тоа лето… Маргарет со свои зборови раскажува за нејзината лисичина коса која никогаш не може да биде уредна, за Вилем кој е господар на науката за бакнежи, за Родерик од чија вилица таа му искрши еден заб, за монахот Занекин кој смрди на кочина, за слободниот град Бриж и висечките натписи, за книгите на нејзината мајка со љубовни приказни полни со копнеж, за црвените улкуси на лицето на нејзиниот иден сопруг и за омразата која таа ја чувствува кон својот сопствен татко. Книгата е многукратно наградувано дело. Беше пофалувана и почестена, поради тоа што историскиот роман за млади го направи повторно актуелен. | За љубителите на џезот, музиката што настанала во Северна Америка кон крајот на 19 век, под влијание на црнечките мелодии и песни, а делумно и на некои европски танци, каде што преовладуваат дувачките инструменти (саксофонот, кла- ринетот, трубата, тромбонот, флејтата, обоата, рогот) и удиралките, го препорачуваме најновото цеде со петнаесетте најдобри џез-нумери како што се „So What“ (Miles Davis), „Fly Me To The Moon“ (Frank Sinatra), „Mood Indigo“ (Duke Ellington & His Famous Orchestra), „Take Five“ (Dave Brubeck Quartet), „The Girl From Ipanema“ (Stan Getz & Joao Gilberto), „Minnie The Moocher“ (Cab Calloway), „What A Wonderful World“ (Louis Armstrong), „Strange Fruit“ (Billie Holiday), „Georgia On My Mind“ (Ray Charles), „My Baby Just Cares For Me“ (Nina Simone), „Round Midnight“ (Thelonious Monk), „Summertime“ (Ella Fitzgerald & Louis Armstrong), „Giant Steps“ (John Coltrane), „The Nearness Of You“ (Norah Jones) и „Body & Soul“ (Tony Bennett & Amy Winehouse). | Во оваа авантура на „Дизни“, која трае 118 минути, господарката на злото и нејзината кума Аурора почнуваат да ги преиспитуваат сложените односи во кои се врзани, додека претстојните настани ги водат во различни правци. Неочекувани сојузници и нови мрачни сили влегуваат во игра… Претстојната венчавка меѓу Аурора и принцот Филип е повод за големо славење во кралството, затоа што таквите случувања ги зближуваат двата света. Но, една неочекувана средба ќе воведе нова, моќна алијанса, тие двете ќе се најдат на спротивставени страни… Снимањето на филмот чинеше 185 милиони долари.
Жанр: авантура, семеен, фантазија Глумци: Angelina Jolie, Elle Fanning, Chiwetel Ejiofor, Sam Riley, Ed Skrein, Imelda Staunton, Juno Temple, Lesly Manville, Michelle Pfeiffer Режија: Joachim Ronning |
ТОП НОВОСТИ
