| ЧИТАЈ | СЛУШАЈ | ГЛЕДАЈ |
| „АФЕРАТА КРИСТИ“ НИНА ДЕ ГРАМОНТ |
„THIS IS ME… NOW“ JENNIFER LOPEZ |
„AQUAMAN AND THE LOST KINGDOM“ (АКВАМЕН И ЗАГУБЕНОТО КРАЛСТВО) |
 |
 |
 |
| Жанровски, книгата може да се смести во делот на историска фикција и мистерија, но и романса/трилер. Една зимска вечер (3 декември 1926-та), Кристи влегла во својот автомобил (мал зелен „морис каули“ што го купила со заработката од нејзините први романи) и заминала. Зад себе ја оставила својата заспана седумгодишна ќерка Розалинд, заедно со куќната помошничка. Исто така, го оставила и својот сакан мал териер Питер, миленикот кој вообичаено седел крај неа додека пишувала. Таа вечер Кристи била облечена во бунда и шапка, а со себе понела и една актенчанта. Се претпоставува дека застанала, а можеби и не, во блиското место Годалминг за да ѕирне низ прозорците на приземјето на куќата каде што нејзиниот сопруг, Арчи Кристи, бил гостин тој викенд. Тоа исто утро, на 3 декември, Арчи ù соопштил на Агата дека сака развод со цел да се ожени за својата љубовница, Ненси Нил, исто така, гостинка во куќата. Следното утро во осум часот, автомобилот на Кристи бил пронајден во близината на едно место со води, кое злокобно се нарекува Сајлент Пул („тивкиот базен“). Бундата се наоѓала во автомобилот. На Агата Кристи ù се губи трагата повеќе од една недела, додека не била откриена во хотелот „Свон Хидропатик“ (Swan Hydropathic) во Харогејт, Јоркшир, на 13 декември. | Фановите на американската пејачка деновиве се во очекување на нејзиниот деветти студиски албум, во издание на „Nuyorican Productions“ и „BMG Rights Management“, кој всушност е своевидно продолжение на третиот – „This Is Me… Than“ од 2002-ра. По 10-годишна пауза, откако го објави „A.K.A.“ во 2004-та, Џенифер Лопез ù се враќа на сцената, без оглед на тоа што никогаш не се ни повлекла, благодарејќи на редовните настапи. Публиката ја заинтригира со неговата најава уште во почетокот на летото, кога социјалните мрежи беа преплавени со неа. Промоцијата ќе биде проследена со истоимениот документарец чиј режисер Dave Meyers го опишува како интимен, фантастичен и наративен одраз на нејзиното патување со цел да ја пронајде вистинската љубов. Занимлив е фактот дека на секоја песна работеле дури по десетина текстописци, вклучувајќи го и синглот „Can’t Get Enough“. Меѓу имињата се вбројуваат и Atia Boggs позната како INK, Justin Timberlake, Kimberly „Kaydence“ Krysiuk, Scott Storch, Timbaland и многу други. Останатите 12 песни се насловени „This Is Me… Now“, „To Be Yours“, „Mad in Love“, „Rebound“, „Not. Going. Anywher.“, „Dear Ben Pt. II“, „Hummingbird“, „Hearts and Flowers“, „Broken Like Me“, „This Time Around“, „Midnight Trip to Vegas“ и „Greatest Love Story Never Told“. | Крајот на 2023-та го одбележа и светската премиера на „Aquaman and the Lost Kingdom“, продолжението на филмот од 2018-та. Обата се базирани на суперхеројот чиј творец е DC Comics, во продукција на „Warner Bros. Pictures“ и сестринските компании. За снимањето на 124-минутниот филм заснован врз фантастика се потрошени 205 милиони долари. Arthur Curry (Аквамен) е принуден да соработува со својот полубрат, кралот Orm, за да го спречи Black Manta во намерата да ја ликвидира неговата фамилија, користејќи го тризабецот за прекумерно да го загрее светот додека го бара загубеното кралство на морињата, седмо по ред. И покрај тоа што критиките се поделени, рецензентите сепак се согласни дека „Aquaman and the Lost Kingdom“ е идеален за љубителите на авантура, акција, научна фантастика. Музиката е на Rupert Gregson-Williams, која ја има и на цеде, со 22 нумери. Жанр: авантура, акција, научна фантастика суперхеројски Актери: Jason Momoa, Patrick Wilson, Jahya Abdul-Mateen II, Amber Heard, Nicole Kidman, Randall Park, Temuera Morrison, Dolph Lundgren, Martin Short Режија: James Wan |
ТОП НОВОСТИ
