| ЧИТАЈ | СЛУШАЈ | ГЛЕДАЈ |
| „ПАРИЗ НЕ ВЕ ОСТАВА“ ЕЛЕН ФЕЛДМАН |
„POSITIONS“ ARIANA GRANDE |
„THE INVISIBLE MAN“ (НЕВИДЛИВИОТ ЧОВЕК) |
 |
 |
 |
| Како комбинација од животот во окупираниот Париз и во Њујорк од педесеттите години, книгата „Париз не ве остава“ од писателката Елен Фелдман е неверојатна приказна за издржливоста, љубовта и невозможните одлуки, и проникнува во тоа дека опстанокот никогаш не се случува без одредена цена. Откако ја преживеала Втората светска војна со ќеркичката Виви, работејќи во книжарница во Париз и борејќи се за својот живот, Шарлот не е жртва, туку борец за гол живот. Но, може ли да го преживее следното поглавје од животот? Длабок, раскошен и живописен свет на занимливи ликови и емотивни и морални кризи, е коментарот за книгата на Фред Ален, главен уредник на „Форбс“. | Шестиот студиски албум на американската пејачка го издаде Republic Records, на 30 октомври. Таа соработуваше со неколку продуценти, како Tommy Brown, Anthony M. Jones, London on da Track, Murda Beatz, The Rascals, Scott Storch, Shea Taylor и Charles Anderson. Албумот е своевидно проширување на R&B и трап-поп звукот на неговите претходници, Sweetener (2018) и Thank U, Next (2019), вклучувајќи елементи на хип-хоп, нео соул и фанк. Лирски, песните говорат за романтичната љубов и за сексот. Критиките се позитивни, за вокалот на пејачката, но и остри, за текстовите и продукцијата. На албумот му претходеа два сингла, насловната нумера и „34+35“, како негова поддршка. Останатите дванаесет песни се „Shut Up“, „Motive“ (со Doja Cat), „Just like Magic“, „Off the Table“ (со the Weeknd), „Six Thirty“, „Safety Net“ (со Ty Dolla Sign), „My Hair“, „Nasty“, „West Side“, „Love Language“, „Obvious“ и „POV“. | Станува збор за научнофантастичен, психолошки хорор филм, снимен во австралиско-американска копродукција, кој се базира на истоимената новела од 1897 год. на H. G. Wells. Го следи животот на жената, која верува дека ја малтретира нејзиното насилно и богато момче, дури и по неговото самоубиство. На крајот заклучува дека тој стекнал способност да стане невидлив. Премиерата на филмот се случи во САД, на 23 февруари, но поради пандемијата, само четири седмици подоцна, стана достапен и дигитално. Критиките се позитивни, со пофалби за глумата на Moss. Заработката на филмот е 134 милиони долари, наспроти буџетот од 7 милиони долари. Жанр: хорор/трилер Актери: Elisabeth Moss, Aldis Hodge, Storm Reid, Harriet Dyer, Michael Dorman и Oliver Jackson-Cohen Режија: Leigh Whannell |
ТОП НОВОСТИ
