НА МНОГУМИНА ИМ СЕ ДОПАЃА И БИ КУПИЛЕ ЕДЕН, ДВА ПРИМЕРОКА, А МОЖЕ И МОТОЦИКЛ. МАРКАТА Е КАКО МАГНЕТ ЗА СИТЕ ГЕНЕРАЦИИ. ПОВОД ЗА СПОМЕНУВАЊЕ Е БАВАРСКАТА РАБОТИЛНИЦА КОЈА ЈА СЛАВИ 105-ГОДИШНИНАТА ОД ОСНОВАЊЕТО
Годинава БМВ слави 105 години постоење. Долговечноста на компанијата опфаќа домаќинско работење, добра организација и квалитетен производ. Оваа компанија произведува исклучително автомобили од премиум класата, односно луксузни. Директни конкуренти на БМВ се: Акура, Алфа Ромео, Ауди, Генезис, Лексус, Инфинити, Мерцедес – Бенц, Полстар и Волво.
Во едновековното постоење БМВ остави повеќе траги по кои е познат. Тоа е посакувана марка од поширок круг возачи. Уште од основањето на компанијата нејзините модели имаат спортска нота. Поклониците на старовремските автомобили многу ги почитуваат моделите 1600 и 2002 и посебно турбомоторот со четири цилиндри во линија со зафатнина од 1,5 литри. Токму овој мотор со „малку“ доработки го доведе тимот на Бребем до шампионска титула во Формула 1. Легендарната тројка со фабричка ознака „е 30“ е многу барана, особено купе моделот, како и моделот 507 од 1955 година. Тука се и мотоциклите што се прв производ на БМВ. Негувањето на традицијата на две тркала продолжува и денес. Сведоци сме на мноштво мотоциклистички настани во кои на добар глас се старите примероци. Меѓу старовремските најбарани се примероците од БМВ, а вистинска реткост се тие со странична приколка.
Во историјата на автомобилите 1916 е забележана како година на формирање на компанијата Бајерише Моторенверке или скратено БМВ, кога на 7 март е добиена дозвола за работа. Компанијата постоела и пред 1916 година, односно потекнува од Рап Моторенверке и Бајерише Флугцојгверке, а подоцна во кругот влегува и работилницата Фахрцојгфабрик Ајзенах. Овие работилници најмногу се занимавале со изработка и сервисирање на авионски мотори.
Во текот на војната имало потреба од авионски мотори и нивно сервисирање. Работите оделе во нагорна линија до завршувањето на војната, а потоа следувал период кога речиси немало потреба за авионските мотори, а производството било сведено на скромни бројки. Компанијата била пред финансиски колапс и морала да го пренасочи производството, на пример, на мотори за земјоделски машини и разни пловила, а подоцна и мотори за мотоцикли, товарни возила и автомобили.
ВО СВЕТОТ НА АВТОМОБИЛИТЕ
Прво моторно возило излезено од фабриката со име БМВ е мотоцикл со ознака „р 32“. Светската премиера на мотоциклот се одржала од 28 септември до 7 октомври 1923 година на Саемот за автомобили во Берлин. Тогаш првпат светот дознал за БМВ, а мотоциклот со боксер мотор и зафатнина од 494 кубни сантиметри почнал да постигнува одлични продажни резултати, со што се стабилизирала и финансиската состојба. Токму овој мотоцикл ги поставил стабилните темели на компанијата. Споменатиот погонски агрегат со половина литар работна зафатнина со најразлични доработувања и подобрувања и со примена на нови техничко-технолошки решенија се одржал до денес. Франц Јозеф Поп, тогашниот одговорен во компанијата, ги вработил конструкторите Макс Фриц и Готхилф Дирвахер. Според планот, тие двајца биле главни на проектот, одговорни за конструирањето на првиот автомобил. Прототипот бил направен, но работите биле сосема поинакви за сериското производство. БМВ одлучил да ја купи Дикси Аутомобил Верке, а потоа производството тргнало со моделот „дикси 3/15“, лиценцирана изведба на моделот „остин 7“, а од халата автомобилот излегувал со името „бмв 3/15“. Од овој модел започнува патот на БМВ во светот на автомобилите.
Вториот модел „ам 1“ се појавил пред истекот на лиценцата за производство на моделот „дикси 3/15. Водач во оваа мисија бил конструкторот Јозеф Ганц, а „бмв ам 1“ е негово дело, мал автомобил со мотор сместен напред и погон на задната оска. По него дошле моделот „303“, автомобил со шест цилиндри во линија и првпат кај овој модел имало карактеристична маска со два идентични крајно издолжени круга. По овој модел следувал првиот автомобил со четири врати, а во 1936 година се појавил престижниот „бмв 328 бреша гран при купе“, автомобил со извонредни возни особини, а на тркачките патеки нижел победи.
Победничкиот тркачки ритам на преубавото купе бил запрен од виорот на Втората светска војна и во тој период погоните на БМВ биле пренаменети за потребите на воената индустрија. Во периодот по Втората светска војна Германија смеела да произведува само најосновни работи ситен алат и слично. Исто така, се произведувале и велосипеди. Производството на поголеми и покомплицирани производи било забрането и фабриките морале да бараат дозвола од сојузничките сили ако сакале да произведуваат поголем производ составен од повеќе делови. Во 1948 година САД издале посебна дозвола и од фабричките хали излегол првиот мотоцикл, моделот „р 24“.
Производството на автомобили продолжило во 1951 година со појавата на прототипот „331“, поточно некогашниот модел „327“во мало пакување. Во ова време Ханс Гревинг, тогашниот челник во БМВ, банкар по професија, не гледал со симпатии кон производството на мали автомобили. Тој бил приврзаник да се прават луксузни модели како пред војната затоа што БМВ не располагал со големи фабрички хали, многу машини, алат, работници за да произведува големотиражни мали автомобили. Затоа БМВ се вратил на изворното. Светот му посакал добредојде на луксузниот модел „501“, а подоцна БМВ го лансирал поголемиот со ознака „502“ и со V8 мотор.
БМВ сè уште имал слабост кон отворените автомобили, односно роудстерите. Конечно во 1955 година во хотелот „Валдорф Асторија“ бил претставен престижниот отворен купе модел, а неколку недели подоцна на Салонот за автомобили во Франкфурт БМВ го претставил моделот „503“ со четири седишта. Тоа значело дека завршиле кризните повоени години. И покрај одбивањето да прави мал автомобил, баварската работилница тргнала да преговара за производство по лиценца на типичното градско возило „изета“. Производството почнало во 1955 година, а завршило во 1962 со произведени 161.728 примероци. Но финансиските резултати биле неповолни. Состојбата била многу тешка и тогашното раководство и акционерите размислувале за спојување со Дајмлер – Бенц.
На одлуката за спојување со Дајмлер – Бенц се спротивставиле браќата Херберт ИСТОРИЈА | Првиот мотоцикл од БМВ, моделот „р 32“ Првиот автомобил „бмв 3/15“ Првиот електричен автомобил „БМВ 1602 електрик“ од 1972 година „Петката“ стапува на сцена во 1972 „БМВ икс 5“ и Хералд Кванд кои дејствувале на свој начин. Откупиле доволен број акции за да можат да управуваат со компанијата, а потоа на состанок со другите акционери и конструктори го претставиле планот за нејзино спасување. Првиот автомобил по преземањето на управувачкиот пакет во БМВ е четвороседот „600“, направен врз основа од „изетата“, а подоцна следувал моделот „700“ со воздушно ладен боксер мотор зајмен од мотоциклите. Шеесеттите години од минатиот век за БМВ се години на заздравување на компанијата. Трите модели 1500, 1600 и 1800 послужи е како почеток на еден од најпопуларните модели, 2002, а по овој модел следува „тројката“ најпродаван на сите времиња во таборот на баварската машинерија. И денес „тројката“ е најмногу купувана и најсакана лимузина. Не е ни многу мала, но не е ни голема, компактна, со спортски особини што влечат корени од 1500, 1600, 1800 и секако 2002.
Поголемата лимузина од „тројката“ се појави во 1972 година и носи ознака „серија 5“. Класика од лимузина и претставник на средно високата класа е потпишана од големиот дизајнер Нучо Бертоне. Овој модел претставува потпора за популарната „тројка“ и излегување во пресрет на купувачите што бараат поголема удобност, брзина и престиж. По „петката“ БМВ ја лансира најголемата лимузина „седумката“ претставена пред светската јавност во 1977 година. Главните карактеристики на „седумката“ се луксуз и престиж, а потоа е удобност, безбедност, оригиналност итн.
ПРИСУТЕН И НА ТРКАЧКИТЕ ТЕРЕНИ
Покрај автомобилите БМВ ги чува и мотоциклите, оддел што никогаш не бил во финансиска криза. Од бараврската работилница секогаш излегувале добри производи на две тркала. Друмската надмоќност ја темели врз учеството во голем број трки и рели натпревари, а меѓу нив мора да се издвои учеството на релито Париз Дакар.
Во однос на спортските настани мора да се осврнеме на трките од шампионатот во Формула 1 каде што БМВ активно учествуваше неколку сезони. Тука е шампионската титула на Нелсон Пике и болидот на тимот Бребем каде што БМВ учествуваше со својот турбомотор, а како БМВ тим има една победа и тоа во 2008 година за ГН во Канада. Тогаш зад управувачот на болидот беше Полјакот Роберт Кубица. Врвните погонски единици од БМВ биле присутни во најбрзиот циркус, на пример од 1982 до крајот на 2005 година во следниве тимови: Бребем, АТС, Ероус, Бенетон, Лижие, Вилијамс и Саубер. Денес сме сведоци на неговата доминација во класата на која й припаѓа, присутен е на сите меридијани и тоа е една од финансиски најстабилните марки на светот. Во семејството БМВ денес се присутни уште две марки Ролс Ројс и Мини. Тие се купени од баварската компанија и се во нејзина сопственост и засега добро им оди на сите.
И БМВ оди во правец на електрификација на возилата, а концептот „вижн некст 100“ беше прикажан на 100 годишнината со кој БМВ ја обелодени иднината на автомобилите.
ТОП НОВОСТИ
