Идејата на оваа статија е да поразговараме со вработените малку поинаку…неформално…интересно…
Честа во овој број на АМСМ Мегафон ја имаат Жарко Јованоски и Виолета Панчевска од Мобилити Брокер.
АМСМ МЕГАФОН:: Како го помина минатиот викенд?
Жаре: Малку шетање со оглед на временските прилики, читање книга, гледање филм, вечерно излегување и дружење со пријатели.
Вики: Деновите во викендот ми започнуваат многу вообичаено. Спијам малку повеќе од секој работен ден, но не премногу. Сабота за мене е ден за средување на домашни обврски (чистење, перење, смукање, џогирање и спремање ручек и десерт по желба на моите деца), а недела е ден за одмор , шетање во природа и завршување на школските обврски кој што им се зададени на децата…
АМСМ МЕГАФОН:::Што те донесе во АМСМ? Што работеше претходно?
Жаре: Одлуката да ја прифатам понудата, при што пресуден беше ставот за стабилност на компанијата во секторот осигурување во кој работев и претходно.
Вики: Откако знам за себе АМСМ била една од најуспешните фирми во Македонија. Потајно се надевав дека и јас еден ден ќе бидам дел од оваа фирма и навистина мојата желба се оствари. Ова е фирма во која имам можност да напредувам и да ги реализирам своите идеи, воедно моја долгорочна цел е да бидам дел од фирма каде ќе можам да учам да преземам дополнителни одговорности и да придонесам за вредностите на фирмата. Токму затоа, ми се допаѓа што АМСМ посветува посебно внимание на развојот на вработените.
Претходно работев во 2 осигурителни компании (Триглав и Винер Осигурување ) и на двете места по 6 години-одлично искуство…
АМСМ МЕГАФОН:::Каква личност има тенденција да биде најсреќна овде во АМСМ?
Жаре: Среќата според мене е лично чувство и зависи од приоритетите на секоја личност и начинот на гледање на работите.
Вики: Личност која сака да има предизвици, која што сака да соработува со тимот и да постигнуваат заеднички успеси
АМСМ МЕГАФОН::Со кого го пиеш утринското кафе?
Жаре: Утринското кафе до пола го пијам сам пред да тргнам на работа кога мислите ги ставам на “авто пилот”, останатата половина ја пијам кога ќе се вратам од работа.
Вики: Утринското кафе го пијам со мојот прв комшија од авто школата Марјан Денкович, бидејќи мојот цимер (Адријана) не пие кафе.
АМСМ МЕГАФОН::Од кога си во АМСМ?
Жаре: Нецели три години
Вики: Во АМСМ сум 8 години.
АМСМ МЕГАФОН:: Кажи виц?
Жаре: Не ми текнува во моментов. Иако и од вицовите може нешто да се научи.
Вики: Две охриѓанки глумат србинки во Охрид на плажа, едната вели. Јелена, доџи да се купамо. Другата: Не могу ма, ме дупет камењава…
АМСМ МЕГАФОН::Опиши една пријатна/непријатна ситуација од претходната недела
Жаре: Фокусот ми е на пријатни ситуации и нема некоја која посебно би ја издвоил од минатата недела која отстапува од вообичаениот начин на дејствување. Доколку имало некоја непријатна ситуација или не сум и посветил внимание, сум ја заборавил или занемарил.
Вики: Идејќи на паркинг не можев да влезам во возилото бидејки се паркирало возило многу блиску до вратата…
АМСМ МЕГАФОН:: На што си посебно горд/а?
Жаре: На постигнатиот интегритет како личност, thinking “out of the box”, постојаната желба за надоградување, исполнетоста на животот со убави моменти со семејството, пријателите, патувањата.
Вики: Иако е специфична работата што ја работам сеуште учам и правилно ги реализирам своите обврски, секогаш подготвена да го пренесувам своето знаење на останатите од мојот тим и затоа горда сум на успехот кој што го постигнуваме заедно секојдневно.
АМСМ МЕГАФОН:: Како се справуваш со конфликтни ситуации?
Жаре: По природа не сум конфликтна личност и доколку се јави таква ситуација во скоро сите ситуации е предизвикана од друга личност/и, тогаш правам анализа на ситуацијата и соодветно одговарам или не одговарам во моментот. Според мене конфликтните ситуации се губење на време.
Вики: Смирено, секогаш во себе бројам до 10 …. размислувајки како да се реши проблемот.
АМСМ МЕГАФОН:: Совет за помладите колеги…
Жаре: Постојано да учат, да се усовршуваат, секогаш да бидат трпеливи, колегијални, повеќе да се базираат на факти, а не на претпоставки.
Вики: Секогаш газете цврсто, почитувајќи ги другите околу себе и размислувајте како да постигнувате успеси на секое поле.
АМСМ МЕГАФОН:: Опиши го својот претпоставен со еден збор
Жаре: Кооперативен.
Вики: Лидер.
