Новости

СМС порака за ТОЧНА ЛОКАЦИЈА за помош на пат или шлепување

Кога на 196, ќе ни побарате помош на пат или шлепување, ние сакаме да пристигнеме на вашата локација, каде и да сте, најмногу за 45 минути, да интервенираме на лице место ако е можно или да ве шлепуваме доколку станува збор за посериозен дефект. Во секој случај, сакаме да се погрижиме за вас во најкраток можен временски период, на најдобар можен начин.

 

Секако за да го направиме ова, од голема помош ни е информацијата за точната локација на која се наоѓате. А неа најлесно и најточно ќе ни ја дадете доколку повикате помош на пат или шлепување преку СМС порака во АМСМ бесплатната мобилна апликација наменета за Android и iOS мобилни телефони. На овој начин преку СМС пораката ги добиваме точните координати на вашата локација, со што значително се скратува времето за пристигање на службата за помош на пат и шлепување, а со тоа и вашето време на чекање.

 

Симнете ја бесплатната АМСМ мобилната апликација за „паметни“ телефони и следниот пат кога ќе ви биде потребна помош на пат или шлепување, искористете ја можноста да нé известите преку СМС порака и очекувајте нé веќе во следниот момент на вашата локација.